VOV4.K’ho- Mìng gam mờr 2 nhai tai là tus dơ\ sa Tềp Nguyên đán Đinh Dậu 2017, tu\ do ală bơta phan kă bro drơng tàm dơ\ sa tềp neh geh ală mpồl lơh sa kă bro tàm càr Lâm Đồng jơh nùs rơcang nàng kờn geh tơl phan bơna kă bro lơh geh tơl jơnau kờn blơi phan ngui sa bơh làng bol dê. Sở Công thương Lâm Đồng neh sồr, pơgồp bal mờ ală mpồl lơh sa kă bro, ală anih lơh sa kă bro rơcang phan bơna kă bro gơguh pơgăp bơh 10 tus 15% pơndrờm mờ nam 2016. Nàng phan bơna kă bro tus geh mờ tê cau ngui sa dê, ờ gơlik geh jơnau ờ tơl phan, tơnguh khà priă nisơna, bal mờ broă pal lơh geh tơl phan bơna kă bro tàm ală siêu thị, drà dờng, drà, Sở Công thương Lâm Đồng gam bơyai lơh bàr pe dơ\ tăc phan ntrờn làm bă tiah rê tus tàm tiah [òn lơgar, ală dơ\ lơh drà phan Việt Nam tàm [òn lơgar, chul chồl làng bol ngui sa phan Việt Nam. Ală tiah tàm càr kung neh geh broă rơndăp lơh lòt sền làm gah tam dră kă bro tìs mờ adat boh lam, blơ\ blăc kă bro mờ phan ờ ngan; sơlơ lơh tai broă lòt sền khà priă, bơta niam phan bơna kă bro tàm drà.

Cau cih mờ yal tơngi\t- Lơ Mu K’ Yến