VOV4.K’ho – Rơndăp broă lơh tơnguh jơnhoa cồng nha tam mờ kă bro kơphê rơta kơ\ kơl jăp tàm lơgar Việt Nam (cih lơyah là Rơndăp broă lơh) geh mu\t lơh tàm 2 càr tàm Tây Nguyên là Lâm Đồng mờ Gia Lai. Dùl càr rwah dùl mpồl lơh sa bal nàng mu\t lơh rơndăp broă lơh. Lâm Đồng neh rwah Mpồl lơh sa bal Lâm Viên tàm kơnhoàl Di Linh mờ càr Gia Lai neh rwah Mpồl lơh sa bal Tân Nông Nguyên tàm kơnhoàl Cư\ Sê. Jat Mpồl đơng lam Rơndăp broă lơh tơnguh jơnhoa cồng nha tam mờ kă bro kơphê rơta tàm Việt Nam: “Rơndăp broă lơh geh mu\t lơh jat tàm Broă lơh Dà lơgar “Bơtàu tơnguh gah lơh kơphê wèt tus tam mờ kă bro kơ\ kơl jăp tàm lơgar Việt Nam tus nam 2020”, mờ bơta lơh bal bơh uă mpồl cau dê. Do là broă lơh lơh sa jat broă lơh pa, ờ mìng geh lơh tàm gah lơh kơphê lơm mờ gam mu\t lơh tàm ală gah lơh broă sa sươn sre ndai in tai. Broă lơh do geh pơgồp bơnah tơnguh jơnhoa bơngă ai cau lơh broă sa lơh sa dềt in (geh càn ală bơnah priă jền) mờ kung là nàng kờn tơnguh jơnhoa bơta tàm pơrlòng bơh ală gah lơh broă sa sươn sre tàm lơgar Việt Nam dê in”.

Cau cih mờ yal tơngi\t- Lơ Mu K’ Yến