VOV4.K’ho - Lâm Đồng geh rlau 878 rbô 600 na\ cau te\ khà, tu\ do neh lơh gơs sra\ mat mờ geh top sra\ mat tàm mờr 1.200 Mpồl te\ khà di 147 ntum, sơnah [òn, [òn drà tàm càr. Broa\ lơh mblàng pơlam, ala\ bơta phan bơna, anih  đùh sra\ pồ tus cau lòt rê tàm ngai te\ khà, cau nac nhơl chờ kung gam geh mut lơh nhap nhar ngan.

Tàm ala\ ngai do, bulah ờ ru ngan mờ broa\ lơh sa mir sre, mơya làng bol  tàm [òn Kon Tách Đăng, [òn drà Đinh Văn, kơnhoàl Lâm Hà, càr Lâm Đồng gam lời tu\ tơngai nàng geh jòi wa\ rài kis mờ broa\ lơh bơh ala\ cau tơlik mat te\ khà, iat mblàng jơnau,  yal tơnggit bè adat te\ khà  kuang bàng Gơnoar ala mat dà lơgar  kơna\ 14 mờ kuang bàng Mpồl duh broa\ ala  mat làng bol ala\ kơna\ tơngai lơh broa\ bơh nam 2016 tus nam 2021. Mờ  làng bol cau te\ khà  tiah do,  broa\ jòi sền nàng git wa\, rwah pồ ala\ cau kuang jak chài, tơl jak, tơl chài la kơnòl mờ gơnoar mờ kung la kơnòl, mờ gơnoar bơh sa\ tờm he dê. Cau te\ khà K’ Bran kis tàm [òn Kon Tách Đăng, [òn drà Đinh Văn, đơs:“Làng bol kòn cau tàm do drờm geh  wèt tus  dơ\ te\ khà mờ nùs nhơm pồ di, pồ cau tơl jak rơl chài, cau  lơh broa\ jơh nùs ngan mờ làng bol…rwah cau lơi hơ\, kờ` di pal la  cau ala  mat  bơh làng bol”.

            Bal mờ broa\ lơh gơs top sra\ mat ala\ cau tơlik mat te\ khà, sra\ mat cau  đùh sra\ te\ khà, ala\ bơta phan bơna tàm mờr 1.200 mpồl te\ khà bơh càr Lâm Đồng kung  gam rhời geh lơh gơs jơh. Broa\ lơh mblàng pơlam bè  dơ\ te\ khà kung geh càr Lâm Đồng nhap nhar mut lơh, ngan  la tàm ala\ tiah sar lơgar ngài, tiah làng bol kòn cau. Jat ồng Trần Minh Thức kuang atbồ đơng lam Đảng kơnhoàl Dam Rông, càr Lâm Đồng, bơh kơnhoàl do bơnah ua\  cau te\ khà la làng bol kòn cau, ua\ tiah tàm làng bol kòn cau kis rah rài, ờ trơ gùm   rềp bal, lòt rê kal ke den tàng ala\  jơnau yal tơnggit geh gơ rềng tus  dơ\ te\ khà neh mờ gam geh lơh mblàng pơlam tơn tus tơl hìu nha\:“Bol a` geh khà làng bol kòn cau gal ngan, geh tus rlau 73%, ngan la ua\ cau kis tàm tiah sar lơgar ngài êt ngan geh  git jơnau yal tơnggit, bol a` neh jàu tus ala\ mpồl bơtìan,  ala\ gah, sơnah lơh broa\ geh gơ rềng tus mblàng pơlam tơn mờ ala\ băng, rùp,  hơ\ sồng tus sa\ tờm tơn tus tơl hìu nha\ làng bol. Tus tu\ do,  gơtùi đơs la 100% cau te\ khà git geh pơrya bơh broa\ lơh te\ khà Gơnoar ala mat dà lơgar mờ mpồl duh broa\ ala mat làng bol ala\ kơna\ tơngai lơh  broa\  dơ\  do”.

            Jat ồng Nguyễn Trọng Ánh Đông kuang  jat jơng  atbồ Anih duh broa\ te\ khà, Kuang atbồ anih duh broa\ gah tề lam gùng dra\ bal dà lơgar Việt Nam car Lâm Đồng, ala\ tiah sar lơgar ngài, tiah làng bol ờ gal, tiah ngài mờ anih đùh sra\, lòt rê kal ke,  broa\ lơh ala\ thùng  sra\ geh ntrờn  ai tus geh ai tus  tềng tiah he ơm kung geh kờp tus. Mo tơn tus mờ cau te\ khà la cau ròt rê, cau nhơl chờ dilah geh tus [òn dờng Dà Làc tus lòt nhơl, ơm rlô sa\ tàm ngai te\ khà kung geh mut lơh gơnoar cau làng he dê tềng anih te\ khà gơ ơm tàm gùl [òn dờng. Ồng Nguyễn Trọng Ánh Đông,  đơs:“Jat a`, cau nac tus, nac nhơl chờ tus lòt nhơl tàm Dà Làc tàm tu\ do la ờ ua\ rlau, mơya kung pal rcang ala\ broa\ lơh nàng cau nac tus bal broa\ lơh te\ khà. Mơ tơn tàm tiah tam gùl Hoà Bình, do la anih đùh sra\ nàng gàr niam bơta kờ`, cau nac tus kung geh tus tàm  tiah do  kờ` mut lơh broa\ lơh te\ khà he dê”.

                   Cau cih mờ yal tơnggit K’ Brọp