VOV4.K’ho- Kờp tus mho ngai 4/8, jơh gùt càr Lâm Đồng neh lơh jăt jơnau sồr ơm yah ngài, gròi sền lơh sơnơm mờ jăt sền bơta pràn kơldang să jan ai rlau 300 nă cau rê tus càr Lâm Đồng bơh càr Quảng Nam mờ [òn dờng Đà Nẵng. Sở Y tế càr Lâm Đồng pà gi\t, tàm khà ală cau ơm yah ngài geh dùl nă cau là kòn bơh cau kòp sồ 478 dê.

Bè jơnau bơh ồng M (làng bol lơgar Nhờk, Kuang ătbồ dùl Công ty tàm kơnhoàl Lạc Dương, càr Lâm Đồng dê) geh đah lơgar Nhờk pà gi\t gơtìp bơtờp kòp Covid-19, anih lơh broă geh gơnoar càr Lâm Đồng neh gi\t geh 54 nă cau gơ wèt cau F1 geh ơm rềp bal mờ cau kòp. Neh geh 53 nă cau ai cồng nha xét nghiệm ờ bơtờp mờ kòp Covid-19, cau gam wơl gam ơm kơ\p cồng nha xét nghiệm.

Nàng kờ` broă lơh rcăng sơndră kòp geh cồng nha, bơdìh broă sơlơ tơnguh tai ală broă lơh nàng rcăng sơndră lài, gròi sền kòp bơtờp, càr Lâm Đồng gam tơrgùm sơlơ tơnguh tai ală bơta phan bơna nàng kờ` lơh geh jơnau kờ` xét nghiệm kòp Covid-19, sơndră wơl tềng đăp jơh ală jơnau ờ niam digơlan gơlik tus tàm ù tiah càr dê.

Cau mblàng Lơ Mu K’Yến