VOV4.K’ho –Jat Anih lơh broă sền gàr rềs àr mpồl bơtiàn càr Lâm Đồng dê yal, khà ntum uă kal ke bơh càr Lâm Đồng dê neh gơmù uă ngan bơh 73 ntum gơmù gam 36 ntum gơ wèt 10 kơnhoàl. Den tàng bè hơ\, khà cau ơm kis tàm tiah kal ke geh pà sră kham sơm kòp ờ sa priă bơh kes priă dà lơgar dê tă nam 2015 neh gơmù uă pơndrờm mờ nam 2014. Nàng di tu\ pà sră kham sơm kòp ờ sa priă ai làng bol tàm 36 ntum uă kal ke in, anih lơh broă sền gàr rềs àr mpồl bơtiàn càr Lâm Đồng neh geh sră nggal pơyua tus ală tiah in bè broă lơh sră cih mat cau gam ơm kis tàm ală ntum uă kal ke nàng anih lơh broă sền gàr rềs àr mpồl bơtiàn càr in lơh mờ pà sră kham sơm kòp ờ sa priă di tu\, kờ` sền gàr gơnoar kuơ ai cau geh ngui sră kham sơm kòp ờ sa priă in .

Cau mblàng Lơ Mu K’ Yến