VOV4.K’ho- Jơnau yal bơh Anih duh broă làng bol càr Lâm Đồng dê, tàm 9 nhai do, mpồl lơh broă geh gơrềng neh ai 31 bơta biăp, plai chi, giò chả, cê, kơphê [òk, sền kờn gi\t jơngkah sơnơm sền gàr phan tam. Cồng nha geh 29 bơta phan ờdo ờdă (geh tus 93,6%), 2 bơta phan ờ lơh geh kloh niam ờdo ờdă. Sền 1508 bơta phan bơh ală phan biăp ală bơta mờ cê ngkur ris, cê ro gơs phan, cồng nha geh rlau 99% bơta phan sền ờdo ờdă phan sa, geh 13 bơta phan ờ lơh geh bơta kloh niam ờdo ờdă phan sa (geh tus 0,86%). Lòt sền 12 anih bùm tơi (rlau 300 tấn) tàm drà phan lơh gơs bơh sươn sre Dà Làc blơi bơh lơgar Lo, cồng nha ndrờm gơ ơm tàm khà ờdo ờdă. Bè broă lơh atbồ ờdo ờdă phan sa tàm phan sa ris, neh ai 146 bơta phan tàm 91 anih gơ sơ\t lơh puăc phan ròng mờ anih ròng uă phan ròng tàm càr Lâm Đồng, cồng nha sền ờ sền go\ phan lơh gơ gơs puăc pơlang Salbutamol.

Cau cih mờ yal tơngi\t- Lơ Mu K’ Yến