VOV4.K’ho- Bí thư Tỉnh ủy Lâm Đồng, ồng Trần Đức Quận neh đơng lam pơrjum Ban Thường vụ Tỉnh ủy dơ̆ 6 khoá 11 ai jơnau đơs bè broă lam lơh rơndap broă kuang bàng tơlik mat tĕ khà kuang bàng Quốc hội khoá 15 mờ Kuang bàng Hội đồng Nhân dân càr tơngai lơh broă bơh nam 2021 tus nam 2016 mờ 2, 3 broă kuơmàng ndai.

Tàm pơrjum do, Ban Thường vụ Tỉnh ủy tă pơgồp jơnau đơs gơ rềng tus ală tơngume: rơndap broă kuang bàng tơlik mat tĕ khà kuang bàng Quốc hội khoá 15 mờ Kuang bàng Hội đồng Nhân dân càr tơngai lơh broă bơh nam 2021 tus nam 2026 jat Nghị quyết sồ 9 bơh Ủy ban Thường vụ Quốc hội, Chính phủ, Ủy ban Mặt trận dà lơgar Việt Nam dê; rơndap broă bơcri priă lơh gùng rơndeh ntoat rat Tân Phú- Bảo Lộc; broă jàu khà broă rơndap lơh priă bơcri kes priă dà lơgar nam 2021 ai ală broă lơh, rơndap broă tàm càr in; rơndap broă tam tờm mắc ca tàm kơnhoàl Đam Rông mờ broă rơndap tap sèng, tơn lời lơh broă kấp hơ đơm jat jơnau sồr bơh dà lơgar dê.

Cau mblàng K’Duẩn