VOV4.K’ho – Ngai òr, 23/3, anih tờm lơh sơnơm rơcang gàr lài càr Lâm Đồng bơyai lơh pơrjum – bơto pơlam mut lơh rơndap broă cit bơtơl sơnơm vaccine rơcang sơndră kòp sởi – rubella ai cau bơh 16 tus 17 sơnam in tàm nam 2016. Jơnau kờ` bơh broă lơh dê là geh rlau 90% cau bơh 16 tus 17 sơnam tàm gùt càr geh cit sơnơm vaccine rơcang sơndră kòp sởi – rubella. Cau bơh 16 tus 17 sơnam geh: cau tàm hìu bơsram là kơnòm bơsram bơh ơdu\ 11 tus ơdu\ 12, hìu bơsram bơto broă lơh, hìu bơsram bơtơl mờ cau tàm mpồl bơtiàn ờ lòt bơsram. Ală cau do geh cit 1 ding  sơnơm vaccine rơcang sơndră kòp sởi – rubella tàm broă lơh, ờ kờp lài hơ\ neh geh cit sơnơm vaccine rơcang sơndră kòp sởi halà rubella, halà sơnơm vaccine rơcang sơndră kòp sởi – kòp as bòm `ggko- rubella, ờ kờp cau neh geh cit ală bơta sơnơm vaccine do tàm tơngai hơđơm 1 nhai lài mờ ngai cit dơ\ do.

                                           Cau cih mờ yal tơngit K’ Duẩn.