VOV4.K’ho – Anih lơh broă geh gơnoar càr Lâm Đồng gam jơh nùs bơsong jơnau gơlời wơl bơh dơ\ rềs àr gùng lòt ngòt rơngơ\t ngan gơlik geh tàm tu\ 11 jiơ 15 phuk ngai òr 19/6 tàm kùel kơh Prenn, [òn dờng Dà Làc, càr Lâm Đồng, lơh 7 nă cau chơ\t tơn tềng hơ\, 1 nă cau gơtìp sồt să kơn jơ\ ngan mờ uă cau ndai gơtìp sồt să.

Tiah gơlik geh dơ\ rềs àr

Jơnau lơh gơlik geh dơ\ rềs àr bơh sơn rờp geh gi\t là tài bơh rơndeh tăc thang. Rơndeh năc [àng sồ 60B-029.68 bơh Mpồl lơh sa kă bro Nhơl chờ Lê Mỹ (tàm càr Đồng Nai) dê bơh ồng Trần Ngọc Quang deh nam 1979 măy lòt jat gùng bơh [òn dờng Dà Làc rê tus kùel kơh Prenn, tài bơh rơndeh tăc thang den tàng rơndeh gơ ntoăt mhar mờ tơm tàm 1 nă cau gam lơh niam wơl mờ lă cài măt gùng, tơnơ\ hơ\ pơn jat tai tơm tềng kềng rơndeh năc [àng sồ 86B-007.25 gơ wèt rơndeh Thanh Lịch (tàm [òn dờng Phan Thiết, càr Bình Thuận) dê lòt gùng sơlơ\u wơl bơh jơng kùel kơh Prenn guh tus Dà Làc.

Cau hìu bơnhă cau gơtìp chơ\t gam ơm kơ\p dờp [ồc jun rê tơ\p

Tơnơ\ tu\ dơ\ rềs àr gơlik geh tơn, kuang bàng đơng lam càr Lâm Đồng neh tus tàm tiah gơtìp rềs àr să tờm đơng lam broă lơh dong kờl, bơsong rềs àr, jun ală cau gơtìp aniai tus dong kờl tàm 2 hìu sơnơm dờng Lâm Đồng mờ Hìu sơnơm Hoàn Mỹ Dà Làc. Jat bác sĩ Lê Văn Tiến, kuang atbồ Cơldu\ lơh broă broă rơndăp lơh bal, di Hìu sơnơm dờng càr Lâm Đồng dê yal, jơh ală cau gơtìp aniai sồt să dùl e\t den geh ai rê bơh hìu sơnơm, mìng gam wơl 6 nă cau gơtìp sồt să kơn jơ\ gam pơn jat tai dong kờl mờ sơm sồt tàm Hìu sơnơm dờng Lâm Đồng, tàm hơ\ geh cau măy rơndeh là Trần Ngọc Quang gơbàn sồt să kơn jơ\ ngan tài bơh sồt mồr tàm tơngoh.

                     Cau cih mờ yal tơngi\t- Lơ Mu K’ Yến