VOV4.K’ho – Tu\ do, càr Lâm Đồng neh rơcang lài ai broă bơyai lơh pơrlòng jơh bơsram kấp 3 nam 2020 tàm càr geh lơh ờ do ờ dă mờ nền nòn. Pơrlòng jơh bơsram kấp 3 nam do, Lâm Đồng geh mờr 14 rbô nă cau cih mat tus bal pơrlòng. Gùt càr geh 39 anih pơrlòng bal mờ 583 cơldu\ pơrlòng geh lơh tàm jơh ală kơnhòal, [òn dờng.

Sở Giáo dục mờ Đào tạo càr Lâm Đồng pà git, bal mờ broă đơng lam pơlam pơrlòng, bơto bơtê jơnau git wă ală kơ nòm bơsram in, Sở neh lòt sền, sền sơ wì, gàr tơl niam phan bơna, ai cau lơh broă drơng dơ\ pơr lòng in. Lơh bè lơi nàng dơ\ pơrlòng geh lơh ờ do ờ dă, nền nòn, gah bơto bơsram càr Lâm Đồng neh pơ gồp bal jơh nùs mờ ală tiah bal mờ mpồl kuang àng, gah lơh sơnơm, đoàn ơruh pơnu bơt bơtàu mờ lam lơh jat ală gùng dà, broă rơndap lơh sền gàr lơngap lơngai, ờ do ờ dă gùng lòt, kloh niam ờ do ờ dă phan sa, rơcang sơndră kòp bơ tờp.

Bè broă càr Lâm Đồng lòt sền broă rơcang tus dơ\ pơrlòng jơh bơsram kấp 3 nam do, ồng Nguyễn Xuân Thành, Kuang atbồ Vụ Giáo dục Trung học – Bộ Giáo dục mờ Đào tạo đơs nền, Lâm Đồng pal sơlơ tơnguh rlau tai cau lơh kơ nòl broă tàm ală anih pơrlòng nàng dong dơ\ pơrlòng geh lơh ờ do ờ dă, nền nòn, loh làng, ring niam.

Cau mblàng K’Duẩn