VOV4.K’ho – Jat ală tơngume cribơyai tàm pơrjum dơ\ 2, Gơnoar ala mat dà lơgar kơnă XIV, cau te\ khà càr Lâm Đồng sền gròi uă ngan tus tơngume rơndăp tăp sèng wơl lơh broă sa sươn sre jat gùng dà ngui măy mok jak chài pa, bơta gơrềng dờng ngan tus bơtàu tơnguh lơh sa bơh càr dê. Cau te\ khà Nguyễn Đình Sơn, Kuang atbồ Mpồl lơh sa kă bro bal công nghệ sinh học Brê Bơkàu Dà Làc, càr Lâm Đồng dê, đơs là: Gơnoar ala mat dà lơgar kờn pal geh ală bơta dong kờl kuơmàng gơ wèt tus mờ broă lơh tam gơl pa lơh sră nggal, broă rơndăp tăp sèng wơl lơh broă sa sươn sre hơ\ sồng geh mu\t lơh niam. Ồng Nguyễn Đình Sơn, đơs:

“Lơh broă sa sươn sre bơh bol he dê tu\ do gam tơnguh bơh rài lơh broă sa sươn sre ờs mờng gơ gơs gah lơh broă sa sươn sre ngui măy mok jak chài pa, bol he sền go\ kờn pal geh bơta lơh tam gơl pa, kuơmàng là ală gùng dà broă lơh kơrnoat boh lam, ală sră nggal, bơta bè priă jền kờn pal geh ală broă lơh dùl ròt bal den hơ\ sồng bơtàu tơnguh gơtùi. Sền go\ uă ngan tu\ do, bol he lơh pràn bè lơh broă sa sươn sre ngui măy mok jak chài pa, bol he neh geh uă ngan gùng dà broă lơh kơrnoat boh lam, bè Dà Làc geh dờp ngui gùng dà broă lơh krơi is bè hơ\, mơya, tu\ mpồl lơh sa kă bro bơcri priă tàm lơh broă sa sươn sre ngui măy mok jak chài pa geh dờp bơta dong kờl do den gơtìp kal ke wơl tàm ală sră nggal, lơh roh te\ uă ngan tu\ tơngai mờ bơta niam”.

Cau cih mờ yal tơngi\t- Lơ Mu K’ Yến