VOV4.K’ho-Lâm Đồng tu\ do geh rlau 513 rbô lồ brê, mờ khà chi che geh 52,5%. Tài bơh uă ngan là bă brê nho mờ ală bă brê [ươn gơtìp ồs sa den tàng broă lơh rơcang sơndră ồs sa brê kàl prang sùm geh Lâm Đồng sền dờng màng mờ jơh nùs lam lơh. Jơnau pal đơs là bơdìh mờ mpồl lơh broă geh gơnoar tàm tiah do, ală cau dờp atbồ sền gàr brê tàm tiah hơ\ geh sền là mpồl cau tờm tàm broă rơcang ngac, lòt sền mờ sền go\ di tu\ dilah geh dơ\ ồs sa brê.

Kàl prang do, rlau 14 rbô lồ brê gơ wèt Mpồl atbồ brê Phi Liêng kơnhoàl Dam Rong, càr Lâm Đồng dê geh rơcang sơndră ồs sa kơrhia rlau uă ngan pơndrờm mờ ală nam lài. Broă lơh sền gàr brê neh geh lam lơh dùl bă rơcang lài, sùm ai mpồl cau lòt sền tàm pơdar nàng gròi sền jơnau digơlan lơh gơbàn ồs sa mờ sền go\ di tu\ dilah geh bă brê gơtìp ồs sa.

Ồng K’ Tiên là dùl nă cau dờp atbồ sền gàr brê tàm xã Dà K’Nàng, kơnhoàl Dam Rong pà gi\t: tài bơh priă tơm bơh broă tus bal dờp atbồ sền gàr brê neh geh tơnguh tai uă ngan pơndrờm mờ lài den tàng cau lơi kung ndrờm chờ hờp lơm, jơnau gi\t wa\ geh kơnòl tàm broă lơh atbồ sền gàr brê, rơcang sơndră ồs sa brê kung bè hơ\ mờ sơlơ gơguh uă tai. Ồng K’Tiên, pà gi\t:“Bơh ngai geh tus bal dờp atbồ sền gàr brê tus tu\ do, đơs ngan là rài kis làng bol he dê kung neh bơtàu tơnguh rlau. Tu\ do, làng bol mờ Mpồl atbồ sền gàr brê gam pès jơh nhơ\t chi che hòn lềng, tơ nơ\ hơ\ chu jơh nàng pleh gơtìp ồs sa brê nho pa tam mờ brê nho neh tam bơh 3 tus 4 nam do”.

Ồng Lê Văn Tân, Kuang atbồ Mpồl atbồ brê Phi Liêng, kơnhoàl Dam Rong pà gi\t, kơnờm ngui jơh ală mpồl cau lơh broă tàm tiah do, ngan là ală hìu làng bol dờp atbồ sền gàr brê, den tàng broă mu\t lơh ală broă lơh rơcang sơndră ồs sa brê kàl prang tàm tiah do gam geh lơh niam ngan. Tus tu\ do, ală bă brê [ươn gơtìp ồs sa ndrờm neh geh ai cau tus tàm pơdar lòt sền, drơng sền ngai kung bè mang. Bơdìh hơ\ tai, mpồl lơh broă bol a` dê kung neh crơng gơs ală mpồl lơh broă làm bă tiah, rơcang sơndră wơl tu\ geh bă brê gơtìp ồs sa:“Hòi jà jơh ală mpồl cau là làng bol dờp atbồ sền gàr brê bal mờ mpồl lơh broă bol a` dê tus pès jơh nhơ\t chi che hòn lềng, lam lơh niam broă rơcang sơndră ồs sa brê. Sền bal tus tu\ do den mpồl lơh broă bol a` dê neh jơh lơh geh rlau 80% bè broă lơh rơcang sơndră ồs sa brê. Tu\ do gam lơh hìu kù nàng sền ồs mờ lam tàm pơdar gơ\p drơng sền tàm anih lơh broă”.

Rềp bal mờ brê Phi Liêng, rlau 50 rbô lồ brê gơ wèt Mpồl atbồ brê Srêpôk kơnhoàl Dam Rong, càr Lâm Đồng dê kung gam geh sền gàr sơl bơh ală broă lơh rơcang sơndră ồs sa. Bơdìh mờ lơh broă jat jơnau đơs 4 tơn dùl bă tiah, Mpồl atbồ brê Srêpôk kung neh crơng gơs ală mpồl lơh broă làm bă tiah tàm ală bă brê dềt nàng rơcang sơndră lài tu\ geh bă brê gơtìp ồs sa.

Jat ồng Nguyễn Trọng Đức, Pho\ Mpồl atbồ brê Srêpôk yal, tàm ală mpồl rơcang sơndră ồs sa brê, den mpồl lơh broă ồng dê sùm sền dờng màng mờ ngui niam mpồl cau bơh rlau 20 rbô 800 hìu làng bol dờp atbồ sền gàr brê. Do là mpồl cau tờm kuơmàng tàm broă sền go\ di tu\ dilah geh bă brê gơtìp ồs sa:“Bol a` lơh tus tàm jơh ală anih, lơh tơl broă rơndăp lơh rơcang sơndră ồs sa brê, pal lơh ală anih drơng sền, uă ngan là mpồl cau dờp atbồ sền gàr brê. Nàng tu\ geh bă brê gơtìp ồs sa den pal geh tơl cau tus crùh ồs. Bơta lơh ngan jơh nùs nàng broă rơcang sơndră ồs sa brê gơ gơs là jơnau gi\t wa\ làng bol dê, kơryan uă ngan rlau jơh bơta hoàc hươr bè brê tài bơh ồs sa lơh aniai ”.

Trồ tiah ro kơnra`, pơhìn gơtìp ồs sa brê là uă ngan. Mờ ală broă lơh gam jơh nùs mu\t lơh, kơnhoàl Dam Rong đơs is mờ ală tiah ndai bơh càr Lâm Đồng dê đơs bal neh rơcang lài mờ lơh niam broă lơh rơcang sơndră ồs sa brê kàl prang nam do!

Cau cih mờ yal tơngi\t- Lơ Mu K’ Yến