VOV4.K’ho- Ủy ban Nhân dân càr Lâm Đồng pa geh công văn sồr ală gah, sơnah lơh broă mhar tơrgùm kờp bơta aniai hoàc hươr bơh làng bol dê tài bơh broă yuh dà bơh ală tơnau dơng dà hìu măy pờ tơlik ồs đèng lơh aniai tàm lồi nhai 10 mờ bồ nhai 11 pa do tàm ù tiah càr dê, mu\t lơh dong kờl priă lơh wơl broă lơh sa, kơ\ kơl jăp rài kis ai ală hìu làng bol gơtìp aniai hoàc hươr in. Ủy ban Nhân dân càr Lâm Đồng đơs, broă yuh dà bơh ală hìu măy pờ tơlik ồs đèng dê tàm ală nhai do gam uă jơnau kờn pal đơs ngan, tàm tu\ broă tơrgùm kờp hoàc hươr nàng dong kờl làng bol den gam lơh lơyaì. Càr sồr tàm nhai 12 do, ală sở, gah lơh broă càr mờ ală tiah, ală kông ti hìu măy pờ tơlik ồs đèng mhar tơrgùm kờp hoàc hươr phan tam, phan bơna, mu\t lơh jơh ală broă lơh dong kờl làng bol bơtàu tơnguh wơl broă lơh sa. Càr kung sồr ală tiah ờ hềt lơh jơh broă tơm wơl, ai ù lơh tơnau dơng dà hìu măy pờ tơlik ồs đèng dong kờl priă ai làng bol gơtìp hoàc hươr in mờ yal cồng nha mu\t lơh tus mờ Ủy ban Nhân dân càr in lài mờ ngai 30/12/2016 tus do.

Cau cih mờ yal tơngi\t- Lơ Mu K’ Yến