VOV4.K’ho – Ngai òr 5-6, Gah lơh broă sa mờ bơtàu tơnguh bòn lơgar càr Lâm Đồng bơyai lơh cribơyai đah ală anih lơh broă geh gơnoar mờ ală mpồl lơh sa kă bro kờ` jòi geh broă lơh tă bơsong kal ke, chul chồl bơtàu tơnguh gah lơh sa suơn sre bơh càr dê. Jat jơnau đơs bơh ală mpồl lơh sa kă bro, broă lơh sa suơn sre tàm càr gam pal kong mờ uă kal ke. Tàm tu\ mpồl lơh sa kă bro kờ` geh priă bơcri, den broă geh càn priă dong kờl priă cồng gơtìp uă kal ke, drà kă bro tơlik tac phan lơh gơs bơh suơn sre ờ kơljap, broă blơi bơh lơgar ndai ală bơta sơntìl chi tam pa nàng tam tàm càr gam ờ uă mờ gam geh ală bơta ờ niam, sră nggal ờ buơn bùai. Tàm dơ\ cribơyai, ala mat ală anih lơh broă geh gơnoar càr Lâm Đồng neh cih dờp ală kal ke, kòl yan mờ ală mpồl lơh sa kă bro gơbàn geh, mơkung hơ geh jòi broă tă bơsong, ai geh tơl bơta buơn bùai nàng ală mpồl lơh sa kă bro chồl pràn bơtàu tơnguh lơh sa tàm tơngai tus.

                                                                                   Cau mblàng K’ Duẩn.