VOV4.K’ho- Sở Nông nghiệp mờ Phát triển Nông thôn càr Lâm Đồng pà git, mìng is nhai 1 nam 2021, Lâm Đồng neh lơh sră nggal sền gròi kòp tac hờ lơgar ndai ai 7 tấn gar sachi in. Sachi là chi tam pa tàm càr Lâm Đồng, tơngai rềp ndo, jơnau kờ` gar sachi tàm dunia gơguh ua\, khà pria\ gar sachi tàm drà kă bro kung gơguh jơnhua. Tu\ do, gar sachi gam geh blơi tàm cau lơh broă sa mờ khà pria\ bơh 23 tus 25 rbô đong tàm dùl ki\. Tơ nơ\ tu\ lơh niam, kong ti tac hờ lơgar ndai jàu phan tàm anih ơhò ơm Sài Gòn mờ khà pria\ 52 rbô đong tàm dùl ki\.

Drà kă bro gar sachi ua\ ngan là Đài Loan mờ jat jơnau kờp du\ lài bơh mpồl tac hờ lơgar ndai dê, jơnau kờ` ngui gar sachi digơlan kơ\ kơljap tàm tơngai tus. Tac hờ lơgar ndai gar sachi cèng tus cau lơh broă sa Lâm Đồng in dùl bơta niam tai nàng rơ wah sơntìl chi tam, tài sachi là tờm chi huờr mhar dờng, tơ nơ\ tam bơh 4 tus 8 nhai là neh gơtùi tơnhàu.

Cau mblàng K’Duẩn