VOV4.K’ho – Nàng dong ală mpồl cau mờ cau dùl nă să is sơnđờm mu\t lơh broă geh cồng nha, Rơndăp broă lơh dong kờl sơnđờm mu\t lơh broă càr Lâm Đồng geh lơh bal mờ 3 jơnau kờ` tờm, là: Crơng gơs uă mpồl lơh sa kă bro, hợp tác xã pa; tus nam 2020, càr Lâm Đồng geh pơgăp 10 rbô mpồl lơh sa kă bro; Lơh gơs uă phan bơna pa krơi is bơh càr Lâm Đồng dê jat tàm đòm jat ngui bơta jak chài, măy mok mờ công nghệ; Crơng gơs uă broă lơh bal kă bro phan bơna ai cau lơh broă sa in.

Bơh rơndăp broă lơh do pah nam, càr Lâm Đồng ai 5 tơmàn priă bơh kes priă càr dê nàng dong ală rơndăp broă lơh sơnđờm mu\t lơh broă. Càr Lâm Đông gam ngui ală bơta priă dong kờl khoa học công nghệ, bơtàu tơnguh ală mpồl lơh sa kă bro, bal mờ ală bơnah priă dong kờl bơto pơlam lơh broă sa sươn sre, dong kờl cau lơh broă sa, bơtàu tơnguh hợp tác xã…

Cau cih mờ yal tơngi\t- Lơ Mu K’ Yến