VOV4.K’ho – Sơn tìl chi tam geh gah lơh sa suơn sre càr Lâm Đồng sền là dùl tàm ală bơta kuơmàng ngan tàm broă tơnguh bơta niam, cồng nha lơh geh phan bơh suơn sre dê. Tàm 3 nam do, pah nam, gah lơh sa suơn sre càr Lâm Đồng neh dong kờl bơh 3 tus 7 tơmàn đông nàng ală tiah in tơnguh bơta niam sơntìl chi tam nàng ala ală bơta sơntìl ờ huan geh cồng nha.

Nàng sền sơ wì cồng nha broă lơh tam gơl sơntìl, pa do, Mpồl cau lơh broă sa càr Lâm Đồng neh bơyai lơh mpồl sền gròi “Broă lam lơh tơnguh bơta niam sơntìl chi tam tàm càr Lâm Đồng”.

Ồng Đinh Văn Thể, Chủ tịch UBND xã Đông Thanh, kơnhòal Lâm Hà, càr Lâm Đồng pà git, xã gam 2, 3 bă ù tam kòi dùl kàl geh cau lơh broă sa tam gơl tam biap, tam bơkàu bơka, tam tờm zơu ròng tu. Nam 2019, làng bol lơh geh 900 tơlak đông tàm 1 lồ gơ wèt mờ tờm biap mờ pơgap 1 tơmàn 200 tơlak đông tàm 1 lồ gơ wèt mờ tờm bơkàu bơka, 300 tơlak đông tàm 1 lồ gơ wèt mờ tờm zơu ròng tu. Bulah tam gơl nàng tam ciap, bơkàu halà tờm zơu ròng tu, pria\ lơh geh kung jơnhua rlau ua\ dơ\ pơn drờm mờ ù tam kòi mùl mìng lơh geh hơ đơm 50 tơlak đông tàm 1 lồ tàm 1 nam.

Ồng Nguyễn Văn Châu, Phó Kuang atbồ Sở Nông nghiệp mờ Phát triển Nông thôn càr Lâm Đồng yal: broă rơndap lơh tơnguh bơta niam sơntìl chi tam tàm càr là dùl broă rơndap lơh dờng bơh gah lơh sa suơn sre dê. Tơnguh bơta niam sơntìl chi tam là kơ nòl broă ờ gơtùi ờ geh tàm broă lam lơh rơndap broă sap sèng wơl gah lơh sa suơn sre. Pah nam, gah lơh sa suơn sre càr Lâm Đồng ndrờm tơrgùm jơh jơnau dan bơh kấp hơ đơm dê, bơt bơtàu broă rơndap lơh tam gơl sơntìl chi tam yal UBND càr in ki\ ring bal. Nam 2017, pria\ tă ai broă rơndap lơh tơnguh bơta niam sơntìl chi tam in pơgap 3 tơmàn 500 tơlak đông. Nam 2018,  pria\ tă rlau 3 tơmàn đông mờ nam 2019, pria\ tă geh khà 7 tơmàn đông.

Ù lơh kòi geh cồng nha lơh geh lơyah tam gơl tam plai màk geh cồng nha ua\ tàm thị trấn Đinh Văn, kơnhòal Lâm Hà, càr Lâm Đồng

Ồng Nguyễn Văn Châu kung yal tai, broă rơndap lơh tơnguh bơta niam sơntìl chi tam geh tam pà gơs 2 bơnah, dùl bơnah dong kờl blơi gơ noar ngui mờ tơnguh pràn jak lơh gơlik sơntìl biap, bơkàu geh bơta niam. Bơnah do ua\ ngan bơh gah lơh sa suơn sre dong kờl ală mpồl lơh sa kă bro blơi sơntìl tàm lơgar mờ tơnguh bơta niam lơh gơlik sơntìl, pria\ tă lơh bơh dà lơgar dong kờl dùl bơnah mờ mpồl lơh sa kă bro tă dùl bơnah. Nam 2017, bơnah blơi sơntìl bơh lơgar ndai ờ gơtùi lơh tài bơh kòl yan tàm sră nggal. Nam 2018, Sở Nông nghiệp mờ Phát triển Nông thôn neh dong kờl mpồl lơh sa kă bro blơi bơh lơgar ndai 109 rbô tờm sơntìl ală bơta mờ khà dong kờl 468 tơlak đông, mpồl lơh sa kă bro tă 804 tơlak đông. Nam 2019, dà lơgar dong kờl mpồl lơh sa kă bro blơi bơh lơgar ndai 39 bơta sơntìl biap, bơkàu, mờr 500 rbô tờm sơntìl mờ 70 ki\ gar sơntìl ală bơta, kờp jơh pria\ tă blơi 5 tơmàn 300 tơlak đông, tàm hơ\ kes pria\ dà lơgar dong kờl mờr 500 tơlak đông.

Gơtùi đơs, broă rơndap lơh tơnguh bơta niam sơntìl chi tam den bơnah dong kờl blơi gơ noar ngui mờ tơnguh pràn jak lơh gơlik sơntìl biap, bơkàu geh bơta niam ua\ lam lơh kơ\ kơljap, mpồl lơh sa kă bro tus bal ua\ mờ cồng nha lơh geh gơguh loh làng ngan. Mìng gam bơnah pal sền gròi là broă lơh tam gơl sơntìl tàm ală tiah geh lam lơh bè lơi.

Ồng Trương Quốc Khánh, Kuang atbồ Phòng Nông nghiệp kơnhòal Lâm Hà, càr Lâm Đồng đơs, bơta dong kờl bơh gah lơh sa suơn sre dê ai broă lơh tam gơl sơntìl tàm kơnhòal gam ờ hềt ua\ mờ broă lơh gam dềt. Ồng Khánh yal pơn yơu ngan ngồn, xã Đông Thanh, kơnhòal Lâm Hà tàm 2 nam 2018 mờ 2019 mìng geh 7 hìu bơnhă geh dong kờl tam gơl 2 lồ 7 sàu ù lơh kòi dùl kàl nàng tam biap mờ pria\ dong kờl 10 tơlak đông tàm1  lồ, kờp jơh pria\ dong kờl là 27 tơlak đông. Halà dong kờl tam bơrlu\ tờm sầu riêng tàm suơn nam 2019, mìng geh 4 lồ 7 sàu mờ pria\ dong kờl 18 tơlak 800 rbô đông, tam pà ai 4 hìu bơnhă in, broă lơh dềt ir mờ khà pria\ bơcri dùl êt, lơh cau lơh broă sa ờ kờ` tus bal. Ồng Khánh sồr, ờ duh pal bơcri rah rài, pal bơcri pria\ tơrgùm bal, lam lơh broă lơh dờng, geh gơ rềng niam, cau lơh broă sa go\ geh cồng nha mờ [uơn lơh jat.

Ndrờm bè kơnhòal Lâm Hà sơl, [òn dờng Bảo Lộc kung lam lơh broă tam gơl sơntìl, dong kờl cau lơh broă sa mờ pria\ dong kờl rlau 225 tơlak đông tàm 3 nam. Khà dong kờl 2 tơlak đông tàm 1 lồ ai chi sa plai in, mìng is tờm sầu riêng là 4 tơlak đông tàm 1 lồ, là lơyah ir, khà pria\ bơcri rah rài lơh broă lam lơh gơtìp kal ke. Bơdìh hơ\ tai, ală tiah ndrờm đơs, sră nggal tă pria\ lam lơh rơndap broă gam kal ke, pria\ tă lơyài lơh broă lam lơh ờ [uơn.

Tàm 3 nam 2017, 2018 mờ 2019, gah lơh sa suơn sre neh dong kờl ală tiah in pơgap 750 lồ ù geh cồng nha lơh geh lơyah nàng tam gơl tam chi tam geh cồng nha ua\ mờ kờp jơh pria\ tă dong kờl pơgap 3 tơmàn đông.

Tàm mùl màl, jơnau kờ` bơh cau lơh broă sa dê dờng ua\ rlau mờ pal geh dùl broă lơh dong kờl jo\ jòng nàng cau lơh broă sa in gơtùi geh ngui sơntìl geh bơta niam, geh cồng nha, pơgồp bơnah lam lơh geh cồng nha rơndap tap sèng gah lơh sa suơn sre.

Ồng Bùi Văn Hùng, Phó Chủ tịch Mpồl cau lơh broă sa càr, Kuang atbồ mpồl sền gròi đơs, bơh sền gròi den go\, broă tam gơl sơntìl tàm ală tiah gam ală bơta ờ niam, tàm hơ\ geh broă tă pria\ bơcri lơyài, pria\ bơcri dùl êt, bơcri rah rài mờ sră nggal gam kal ke. Mpồl geh tơrgùm jơh jơnau đơs bơh ală tiah dê mờ yal tus anih lơh broă geh gơnoar in nàng kờ` yal jơnau đơs ngan ngồn kờ` broă rơndap lơh tơnguh bơta niam sơntìl chi tam geh lam lơh ngai sơlơ geh cồng nha.

Jat [a\u Lâm Đồng – Cau mblàng K’Duẩn