VOV4.K’ho - UBND càr Lâm Đồng pa ky\ sra\ rơndap broa\ lơh tơnhàu jơh rlau 746 lồ brê nho tam 3 nha geh tam rlau 25 nam jo\ rlau, mơ kung geh đơs tờm, broa\ do ờ lơh aniai tus tiah kis tàm do. Jat rơndap broa\, bơh tu\ do tus nam 2020, 5 Kong ti trách nhiệm hữu hạn một thành viên Lâm Nghiệp: Đơn Dương, Tam Hiệp, Di Linh, Bảo Thuận mờ Bảo Lâm tàm 3 kơnhoàl: Đơn Dương, Di Linh mờ Bảo Lâm geh tơnhàu jơh rlau 746 lồ brê nho 3 nha, kờp jơh nho tơnhàu geh rlau 103 rbô khối dơm chi wil.

Tơnơ\ jơh tơnhàu, jơh ala\ dơm nho do geh ờ ai tac  lik bơdĩh  càr,  mìng drơng broa\ lơh bơceh lơh tàm càr. Tơnơ\ jơh tơnhàu, càr geh tam wơl brê mo tàm nam pơnjat tai,  ala\ tiah  brê tơnhàu ơm ngài, ơnàng ở rlau ir 50 lồ,  den tàng ờ lơh aniai tus tiah kis.

                          Cau cih mờ yal tơnggit K’ Brọp