VOV4.K’ho- Ủy ban Nhân dân càr Lâm Đồng pa geh sră sồr ală sở, ban, ngành, mpồl cau mờ Ủy ban Nhân dân ală kơnhoàl, [òn dờng tơrgùm sồr lơh mờ lơh jăt bal mờ cồng nha niam ngan rlau jơh jơh bal 2 kơnòl broă rcăng sơndră kòp mờ bơtàu tơnguh lơh sa, tàm hơ\ tơnguh uă nùs nhơm rcăng ngăc, ngan là ờ go\ di sền ờ sơ\p, kuơmàng là tàm ală anih lơh sơnơm, ngan là tàm ală hìu sơnơm; pơn jăt tai ơm kis, tam lơh jo\ jòng sùm mờ kòp.

Ủy ban Nhân dân càr sồr rcăng sơndră kòp bal mờ nùs nhơm, broă lơh krà` cê kơ\ dơn rlau, di tu\ rlau, ba` lời gơlik geh broă lơyaì sền go\ lời lơh bơtờp bè tàm tơngai lài tàm bàr pe tiah. Bơto sồr pràn ngan bè broă yal tiah lòt rê mờ cau lơh sơnơm in tàm internet, crăp ơn mờ ngui phần mềm bluezone.

Pơn jăt tai gròi sền niam, kơryan di tu\ mờ bơsong krà` ală cau mu\t bơh lơgar ndai tìs mờ kơrnoat boh lam tàm ù tiah càr dê; bơsong krà` broă lam mu\t tàm lơgar tìs mờ kơrnoat boh lam, ală anih ơm apah, hìu năc, hìu ơm rlô dờp cau bơh lơgar ndai mu\t tàm lơgar tìs mờ kơrnoat boh lam ơm apah, mpồl lơh sa kă bro dờp cau lơh broă là cau mu\t bơh lơgar ndai tìs mờ kơrnoat boh lam. 

Cau mblàng Lơ Mu K’Yến