VOV4.K’ho - Tàm [òn dờng Dà Làc, pơrjum dờng cau ala măt Đảng bộ càr Lâm Đồng dơ\ 11 (tơngai lơh broă bơh nam 2020 tus 2025) kung neh sơn đờm drim òr (15/10) mờ broă tus bal bơh 320 nă kuang bàng mùl màl ala măt 46 rơbô nă cau geh đảng tàm càr.

                        Dơ\ pơrjum dờng Đảng bộ càr Lâm Đồng tơngai lơh broă bơh nam 2020 tus 2025

Tus pơrjum bal geh ồng Nguyễn Xuân Thắng, Kuang atbồ Học viện Chính trị dà lơgar Hồ Chí Minh, Chủ tịch Hội đồng lý luận Dà lơgar.

Jăt jơnau yal chính trị yal tàm pơrjum dờng, tơngai lơh broă do, càr Lâm Đồng neh lơh geh mờ sơrlèt ală khà broă lơh sa, mờ broă gơguh lơh sa 5 nam geh 8%; priă geh tơl nă cau geh 71 tơlăk đong tàm 1 nam; nhơl chờ broă drơng ala rơhời gơs broă lơh sa tòm càr dê; muh măt [òn lơgar, [òn drà geh uă tam gơl niam, rài kis broă lơh sa mpồl bơtiàn geh gàr niam, bơta lơngăp lơngai dà lơgar geh gàr kơl jăp.

Đơs đơng lam pơrjum dờng, ala măt Bộ Chính trị, Ban Bí thư, ồng Nguyễn Xuân Thắng, kuang atbồ Học viện Chính trị dà lơgar Hồ Chí Minh, Chủ tịch Hội đồng lý luận Dà lơgar đơs niam bơta geh bơh càr dê là uă ngan, bơta kuơ càr Lâm Đồng loh làng ngan, den tàng càr pal kah ală bơta ờ pràn, sền kuơ rơlao tai tus mờ broă bơ\t bơtàu Đảng mờ mpồl chính trị, nàng tơnguh geh cồng nha ală bơta pràn càr dê.

Cau mblàng Ndong Brawl