VOV4.K’ho - Tơng kah 70 nam ngai Gơnoar ala mat dà lơgar Việt Nam (6/1/1946-6/1/2016), mpồl kuang bàng Gơnoar ala mat dà lơgar càr Lâm Đồng pa yu\ ryùm bơyai lơh chờ trơ gùm sa\ tơng kah 70 nam ngai bơyai lơh te\ khà dờng sơnrờp bơh Gơnoar ala mat dà lơgar Việt Nam.

            Cih dờp bè cồng nha bơh mpồl kuang bàng Gơnoar ala mat dà lơgar càr Lâm Đồng, tàm dơ\ lơh chờ,  ồng Nguyễn Xuân Tiến kuang atbồ đơng lam Đảng càr neh jờng mờ đơs niam ala\ ta\ pơ gồp bơh mpồl tàm tơngai lài, mơ kung geh đơs tờm: Mờ bơnga\ la anih lơh broa\ geh gơnoar jơnhua ngan rlau jơh dà lơgar, anih ala mat jơnhua ngan rlau jơh làng bol dê,  bơta sồr  lơh tus mờ mpồl kuang bàng Gơnoar ala mat dà lơgar càr Lâm Đồng tàm tơngai tus la kơnjơ\ ngan. Broa\ lơh Gơnoar ala mat dà lơgar kờ` pal pơnjat tai tam gơl pa-lơh tờm-kơnòl, đềt mềr bal mờ làng bol, nàng mut lơh gơnoar lơh gơs adat boh lam,  geh kơrnuat ala\ bơta kuơ màng bơh dà lơgar, mut lơh gơnoar sền gròi jơnhua ngan rlau jơh dà lơgar.

                             Cau cih mờ yal tơnggit K’ Brọp.