VOV4.K’ho – Bơh 2 ngai lơh broă jơh nùs, pơrjum dơ\ 3 Hội đồng nhân dân càr Lâm Đồng kơnă 9 neh tơn jơh tàm mho òr, 12/7. Pơrjum neh tơr gùm cribơyai, ai tơlik uă broă lơh nàng bơsong ală bơta ờ niam, ờ pràn, lơh ngan lơh jơh ală khà lơh sa mpồl bơtiàn tàm nam 2017, tàm hơ\ gàr khà bơtàu tơnguh lơh sa bơh 8,5 tus 9% mờ tă dia dà lơgar gơguh 5% pơn drờm mờ rơndap broă ai tơlik.

6 nhai bồ nam do, lơh sa mpồl bơtiàn bơh càr Lâm Đồng dê pơnjat tai kơ\ kơljap mờ bơtàu tơnguh, mờ khà bơtàu tơnguh lơh sa gơguh 8,5% pơn drờm mờ 6 nhai bồ nam lài; kờp jơh priă bơcri gùt mpồl bơtiàn geh mờr 8 rbô 900 tơmàn priă, gơguh 13%; kờp jơh tă dia dà lơgar geh rlau 3 rbô tơmàn priă mờ kờp jơh priă lơh geh bơh tac phan hờ lơgar ndai rlau 278 tơlak đôlar Mỹ, gơguh 36,4% pơn drờm mờ 6 nhai bồ nam lài.