VOV4.K’ho – Bơta [ơ\ [ơl tiah ơm kis tàm càr Lâm Đồng gam gơlik geh kal ke. Jơnau là tài bơh ală rơndap broă lơh niam sồ sia\ gam ua\ bơta ờ niam. Pal đơs tus tàm khà hơ\ là rơndap broă lơh niam phan sang tơrgùm bal tàm xã Madaguôi, kơnhòal Dà Hoai. Halà bè rơndap broă lơh niam sồ sia\ tàm `jrùh dà Cam Ly, [òn dờng Dà Làc….

Neh mờr 2 nam lam lơh, tus tu\ do, rơndap broă lơh anih lơh niam phan sa tơrgùm bal tàm xã Madaguôi, kơnhòal Dà Hoai, càr Lâm Đồng kung ndrờm bè bơh sơn rờp tơn. Sồ sia\ tàm kơnhòal pơn jat tai gơ tơrgùm ua\, lơh [ơ\ [ơl tiah ơm kis kơn jơ\ ngan, lơh làng bol ờ suk ngan. 

                                      Bơta sồ sia\ tơrgùm ua\, lơh [ơ\ tiah kis tàm drà Dà Hoai

Rơndap broă lơh bơh Kong ti TNHH Môi trưởng An Vương tàm xã Madaguôi, kơnhòal Dà Hoai bơcri pria\, kờp jơh pria\ tă lơh 150 tơmàn đong. Rơndap broă kờ` bơsong bơta sồ sia\ ai thị trấn Madaguôi mờ ală xã rềp bal gơ wèt tiah tờm kơnhòal Dà Hoai in. Kờp du\ quý 1 nam 2020, rơndap broă lơh do lơh gơs mờ ai ngui mờ bơta pràn lơh niam 90 tấn sồ sia\ tàm dùl ngai mang.

Bulah bè hơ\, jat ồng Nguyễn Hùng Cường, Phó Kuang atbồ Phòng Tài nguyên mờ Mọôi trường kơnhòal Dà Hoai đơs, mờr 2 nam, tu\ do rơndap broă do mìng lơh gơs bơnah cò tơnring ù. Kong ti TNHH Môi trường An Vương ai tơlik ua\ jơnau lơh gơbàn lơyài, tàm hơ\ geh jơnau kal ke bè pria\ tă lơh: “Tàm tơngai lài, Ủy ban Nhân dân kơnhòal mờ ală gah broă lơh neh sùm geh bơta chul chồl Kong ti TNHH Môi trường An Vương chồl mhar tơngai lam lơh rơndap broă, mơya tu\ do mìng lơh gơs bơnah cò tơnring ù, bè phan bơna, hìu mai\ den kung ờ hềt tă pria\ lơh sơl. Jơnau mờ mpồl do đơs là kal ke bè pria\ jền. Tu\ do, khi gam lơh ală sră nggal dan tơn jo\ tơngai bơcri pria\”.

Tu\ do kờp bal pah ngai, tiah tờm kơnhòal Dà Hoai tuh tơlik hờ tiah ơm kis rlau 30 tấn sồ sia\. Tài ờ hềt geh hìu ma\i lơh niam sồ sia\ den tàng anih lơh broă geh gơ noar bơh kơnhòal dê pal sùm ơpah rơndeh, cau lơh broă nàng khòm tơrgùm, pơndiang mờ tơp bồr. 

                                                           Sồ sia\ bềng ngan tàm tiah tờm kơnhòal Dà Hoai

Ồng Nguyễn Văn Quang, lơh broă tàm mpồl gàr kloh niam tiah ơm kis, Mpồl atbồ rơndap broă lơh bơcri pria\ bơt bơtàu mờ broă lơh bal kơnhòal Dà Hoai pà git, lơh ngan den mpồl kung mìng khòm tơrgùm, pơndiang tơp bồr geh 20 tấn sồ sia\. Khà sồ sia\ gam wơl sùm gơtìp tơrgùm wơl, ngan là tàm ală tiah drà, tiah geh gal làng bol ơm kis, lơh bơta [ơ\ [ơl tiah ơm kis tàm tiah do ngai sơlơ kơn jơ\ ngan: “Tu\ do, pah ngai bol hi pal [ồm sơ nơm chế phẩm sinh học nàng lơh jơh [ô [ơ\ mờ rơ sìh vôi nàng lơh kloh khuẩn. Hơ\ sồng pal ơpah rơndeh cho\, bồr sùm, hoàc huơr ua\ ngan”.

Tàm Lâm Đồng, ờ mìng kơnhòal Dà Hoai, mờ ua\ tiah ndai kung gam gơ ơm tàm bơta bè do sơl. Pa do, Ủy ban Nhân dân kơnhòal Đức Trọng neh geh sră nggal pơyua gah lơh broă geh gơ noar càr sồr ai wơl rơndap broă lơh hìu ma\i lơh niam phan sang kră Trường Thành tàm xã Tân Thành tài tơngai bơcri pria\ lơh lơyài ngan. Rơndap broă do geh lơh sră ai gơ noar bơcri pria\ bơh nhai 6 nam 2016, mờ kờp jơh pria\ bơcri rlau 180 tơmàn đong, bơta pràn lơh niam sồ sia\ 195 tấn pah ngai. Jat bơceh lơh hìu ma\i do tu\ lơh broă geh lơh niam jơh sồ sia\ sang bơh tàm broă ngui sa tàm rài kis pah ngai bơh kơnhòal Đức Trọng dê mờ dờp lơh niam tai dùl bơnah sồ sia\ sang bơh tàm rài kis pah ngai bơh 2 kơnhòal rềp bal là Đơn Dương mờ Lâm Hà. Bulah bè hơ\, tus tu\ do, ală bơnah broă tờm ai hìu ma\i lơh niam sồ sia\ kung gam ơm ing ờ hềt mut lơh sơl. Bè hơ\ den tàng bơta [ơ\ [ơl tiah ơm kis tàm do kung ờ hềt geh bơsong sơl.

Ờ niam rlau, tàm [òn dờng Dà Làc, jơnau pơhìn [ơ\ [ơl tiah ơm kis bơh [òn dờng nhơl chờ đơs bal, [làng sang sồ sia\ Cam Ly đơs is ngai sơlơ kơn jơ\ mờ ờ gơtùi sền gròi. Pah ngai, [òn dờng Dà Làc khòm tơrgùm 250 tấn sồ sia\. Tài hìu ma\i lơh niam phan snag kră bơh tàm rài kis lơh broă ờ huan geh cồng nha, [làng sồ sia\ Cam Ly mùl neh til mpồng tài bơh [ơ\ [ơl mờ ua\ ir sồ sia\ tu\ do pal pờ mpồng wơl nàng tơp bồr sồ sia\. Nam lài, Bộ trưởng Bộ Tài nguyên mờ Môi trường, ồng Trần Hồng Hà neh geh dơ\ lơh broă mờ gơnoar atbồ, gah lơh broă geh gơnoar nàng bơsong bơta [ơ\ tiah ơm kis tàm tiah `jrùh dà Cam Ly, [òn dờng Dà Làc. Bộ trưởng tơngkah [òn dờng Dà Làc là dùl [òn dờng nhơl chờ dờng den sồ sia\ gam là dùl bơta jal mhar ngan tàm tu\ bol he ờ hềt geh dùl broă rơndap lài ù tiah, bơcri pria\ dùl bă ring niam.

Tềng đap bơta geh ngan sồ sia\ ưa ir, lơh gơbàn [ơ\ tiah ơm kis bơh [làng sang sồ sia\ dê, nhai 9 nam 2020, Ủy ban Nhân dân càr Lâm Đồng neh geh kơrnuat ki\ ring bal rơndap broă til mpồng [làng sang sồ sia\ Cam Ly, nàng bơsong bơta [ơ\ tiah ơm kis. Jat hơ\, kờp jơh pria\ jền nàng lam lơh là rlau 48 tơmàn đong. Cau tờm bơcri rơndap broă lơh là Kong ti Cổ phần broă drơng ala tiah drà Dà Làc, tơngai lam lơh bơh nam 2020 tus nam 2022.

Cau cih Quang Sáng – Cau mblàng K’Duẩn