VOV4.K’ho- Tàm Hà Nội, Tiểu ban sền gàr bơta lơngap lơngai, rơndap tap sèng tĕ khà Kuang bàng Quốc hội khoá 15 mờ Kuang bàng Hội đồng Nhân dân ală kấp, tơngai lơh broă bơh nam 2021-2026 bơyai lơh pơrjum dơ̆ 3 nàng kờp sền, sền tìs di, sền sơ wì tơl làm broă lơh neh lam lơh mờ ring bal gùng dà broă lơh, kơnòl broă lơh broă tờm tàm tơngai tus. Trung tướng Lương Tam Quang, Thứ trưởng Bộ Kuang àng, Kuang atbồ Tiểu ban đơng lam pơrjum.

Jat jơnau yal bơh Tiểu ban dê, tus tŭ do, broă lơh rcang lài gàr niam bơta lơngap lơngai, rơndap tap sèng tĕ khà Kuang bàng Quốc hội khoá 15 mờ Kuang bàng Hội đồng Nhân dân ală kấp, tơngai lơh broă bơh nam 2021-2026 sền bal là neh di pal mờ jơnau sồr, jơnau kờñ geh ai. Tàm dơ̆ pơrjum, ală kuang bàng kung neh tơrgùm lơh loh ală bơta kal ke, kòl yan mờ cribơyai ring bal gùng dà broă lơh, kơnòl broă, broă lơh tàm tơngai tus, pơgồp bơnah gàr niam di pal mờ bơta gơlik geh tàm bơta geh ngan dê; lơh ngan gàr niam bơta lơngap lơngai, rơndap tap sèng tàm jơh gùt lơgar, lơh geh bơnàng jă kơ̆ kơl jap uă ngan nàng dơ̆ tĕ khà lơh geh jơnau kờñ, jơnau sồr geh ai.

Cau mblàng K’ Hạnh