VOV4.K’ho – Rlau 17 tơmàn priă là khà priă geh ală mpồl dong kờl kes priă tài cau r[ah in tàm drim ngai 17/10, ngai sơn đờm nhai lơh broă uă “ Tài cau r[ah” mờ dong kờl làng bol ală càr tiah tàm gùl lơgar gơtìp dà ko\ dà cò bơh Anih duh broă Gah tề lam gùng dră bal dà lơgar Việt Nam lam lơh. Ngai 17/10 là ngai dunia rơcang sơndră jơgloh, r[ah, là ngai tài cau r[ah lơgar Việt Nam. Mờ jat broă lơh ờs mờng uă nam do, bơh ngai 17/10 tus ngai 18/11 là Nhai lơh broă uă “ tài cau r[ah” bơh lơgar Việt Nam dê. Bơh 16 nam lam lơh dong kờl cau r[ah, broă lơh do neh cèng bơta kuơ gùng dră bal - mpồl bơtiàn niam ngan, pơgồp bơnah bơtàu tơnguh bơhìan tam klac dong kờl bal mờ gơp bơh cau Việt Nam dê. Tàm 9 nhai bồ nam 2016, ală mpồl bal, cau 1 nă să tàm lơgar mờ lơgar ndai neh dong kờl kes priă tai cau r[ah in khà priă rlau 945 tơmàn priă mờ dong kờl tơn ală broă lơh gàr tơl niam rài kis mpồl bơtiàn tàm ală tiah rlau 2 brô 670 tơmàn priă. Bơh bơta dong kờl do, gùt lơgar neh lơh pa, lơh niam rlau 34 rbô nơm hìu tam klac dờng; dong 150 rbô hìu nhă r[ah geh bơta nàng bơtàu tơnguh lơh sa; 1 tơlak 200 rbô nă cau r[ah geh kham sơm kòp; mờr 300 rbô nă kơnòm dềt geh rài kis kal ke geh dong kờl bơsram sră; pà git nđờ tơlak bơnah phan dong cau r[ah, tiah r[ah, tiah uă kal ke in.

              Cau cih mờ yal tơnggit K’ Duẩn.