VOV4.K’ho - Tàm càr Kon Tum tơnơ\ mờ rơlao 9 nam lơh jăt broă tơm priă sền gàr tiah kis brê ngai sơlơ geh tus tàm rài kis mờ neh geh uă cồng nha niam bơne\. Broă lơh do ờ mìng lơh geh khà priă ring niam ai ală mpồl cau tòm brê in mờ gam dong kờl làng bol tus bal mờ broă atbồ mờ sền gàr brê, tơnguh rài kis broă lơh sa, klàs mờ rơ[ah kơl jăp.

Den tàng kơ\p kờ` geh jào brê kờ` sền gàr, pah nam geh dờp priă bơh broă sền gàr tiah kis brê gam là jơnau kơ\p kờ` bơh uă mpồl bơtiàn, hìu nhă mờ cau dùl nă să tàm càr Kon Tum dê.

{òn Đăk Vanh 1, xã Văn Xuôi, kơnhoàl Tu Mơ Rông geh 52 hìu làng bol kòn cau Sơdàng mờ 154 nă làng bol. Jơh ală hìu làng bol tàm [òn ndrờm tus bal tàm broă atbồ sền gàr brê, den tàng pah nam ndrờm geh dờp priă tơm tàm broă sền gàr tiah kis brê.

Geh tai priă ai hìu nhă in, làng bol chờ hờp ngan mờ ndrờm kơ\p kờ` là geh dờp tai bă brê nàng atbồ sền gàr, tàm hơ\ uă ngan là ală hìu nhă gơwèt hìu rơ[ah mờ hìu nhă cau tam l^k ơm kis. Bi A H’ Rưa, dùl nă làng bol kis tàm [òn pà g^t:

-Làng bol kờ` jào sền gàr ai hìu rơ[ah, hìu pa l^k ơm is kờ` sền gàr tiah brê nàng làng bol geh dờp priă. Làng bol geh sền gàr mờ geh ngui broă tam tòm kơnuh sơnơm tàm m[ur chi brê. Hơ\ sồng làng bol g^t ngui brê kờ` atbồ nền nòn ờ lời gơtìp mus kơl aniai brê.

Là dùl tàm ală mpồl cau tòm brê tàm kơnhoàl Tu Mơ Rông, Mpồl atbồ brê rơcang gàr lài Tu Mơ Rông tu\ do gam atbồ rơlao 16 rơbô lồ brê hòn is, brê tam mờ ù ờ hềt geh brê tàm 7 xã gơwèt kơnhoàl Tu Mơ Rông.

Geh uă bă brê bơh mpồl sền gàr do geh dờp broă tơm priă sền gàr tiah kis brê mờ geh jào ai mpồl bơtiàn in atbồ sền gàr.

Jăt ồng Trần Văn Tuất, Kuang atbồ Mpồl atbồ brê rơcang gàr lài Tu Mơ Rông yal, cồng nha bơh broă tơm priă sền gàr tiah kis brê là bơta pràn uă ngan lơh làng bol kơ\p kờ` geh jào brê nàng atbồ sền gàr:

-Làng bol kơ\p kờ` ngan là geh dờp tai brê nàng sền gàr. Tơnguh bă brê nàng sền gàr mờ dờp tai priă bơh broă sền gàr tiah kis brê kờ` tơnguh rài kis làng bol kung bè tơnguh tàm broă atbồ sền gàr brê niam rơlao.

Tơnơ\ mờ rơlao 9 nam lơh jăt Nghị định sồ 99, ngai 24 nhai 9 nam 2010 bơh Chính phủ bè broă tơm priă sền gàr tiah kis brê, tus tu\ do tàm càr Kon Tum neh geh rơlao 5 rơbô hìu làng bol, 567 mpồl hìu, mpồl bơtiàn mờ mpồl lơh broă tàm càr dờp atbồ sền gàr rơlao 200 rơbô 900 lồ brê.

Pah nam dùl hìu geh dờp 13 tơlăk đong, mpồl [òn 160 tơlăk đong mờ mpồl lơh broă rơlao 500 tơlăk đong.

Bơh khà priă do, làng bol bal mờ mpồl bơtiàn ngui tàm broă tơnguh rài kis broă lơh sa, den tàng rài kis bơh cau lơh broă mờ brê ngai sơlơ hờm ram. Kung bơh cồng nha broă lơh jăt broă tơm priă sền gàr tiah kis brê, làng bol neh g^t bè bơta kuơ bơh brê mờ tus bal atbồ sền gàr brê niam rơlao.

Cau mblàng Ndong Brawl