VOV4.K’ho – Nhai 10 pa do, Lữ đoàn pháo binh 40 di Bình đoàn Tây Nguyên geh chờ ngan là 1 tàm 23 mpồl bal pơn rơ ngan geh Gah sền gàr dà lơgar jàu sră jờng tàm srơh “ Chài lam sồr” mờ lơh geh mpồl chài lam sồr gùt ling klàng tơngai bơh nam 2011 tus nam 2015. Nàng lơh geh cồng nha do, ală nam do, ală cau kuang, cau ling lữ đoàn 40 neh lơh is, bơceh pa tàm broă dong kờl, dong làng bol geh niam tàm rài kis, bơtàu tơnguh tơl bơta, lơh geh tai niam rùp să bơh cau ling wa Hồ tàm nùs nhơm làng bol:

Pah tu\ tus ngai 27/7 pah nam, cau kra mờ kơnòm dềt bơh 2 [òn Đak Trôk mờ Đak Yă, ntum Đak Jă, kơnhoàl Mang Yang, càr Gia Lai chờ hờp tơr gùm rê hờ hìu chài rơgơi [òn nàng geh cau ling Lữ đoàn 40 sền gròi pràn kơldang să jan. Cau kra den geh kham kòp, pà sơnơm sơm kòp ờ sa priă; ai kơnòm dềt den geh ală cau ling pà sơ [ong mờ pơlam ràu tê lài mờ tu\ sàu sa. Gơwèt mờ cau lơi, cau ling Lữ đoàn 40 ndrờm sền gròi jơh nùs mờ nền nòn ngan. Mò Braih, 70 sơnam, kòn cau Bơnhàr ơm tàm [òn Đak Trôk đơs: “ A` gơtìp jê kồ ntìng tài gơtìp sồt să lài do, hơ\ sồng gơtìp jê klung, să jan kòp jê ờ sô ngan… geh kham, pà sơnơm, tu\ do neh pràn đau. Cau ling gam dong kờl bol a` in kòi phe. Hìu nhă a` kal ke, den tàng sùm geh sền gròi dong kờl, hìu nhă chờ hờp ngan.”

Pah nam 2 dơ\, tàm tơngai puh pah, mpồl ling Lữ đoàn 40 cèng phe, àu mpha ram mut tàm [òn, pà ală hìu nhă geh rài kis kal ke in. Bulah tơl hìu nhă rơ[ah mìng geh dờp 10 ki\ phe mờ 2, 3 nơm àu mpha ai cau kra mờ kơnòm dềt in, mơya dùl êt tu\ jơgloh ndrờm mờ dùl kơldung tu\ hờm”, ală  phe, àu soh neh di tu\ dong kờl jơ gloh, sơndră trồ mrềt lơh làng bol tàm [òn sơlơ sền ngềr nùs nhơm jơh nùs, bal hiă ală bi dê. Ờ mìng bè hơ\, tàm ală tu\ mpồl ling lòt bơdìh, mpồl ling Lữ đoàn 40 gam dong làng bol tàm [òn lơgar pơs wàs, jì gùng lòt, siat so\ kơnòm dềt in, bơyai lơh sa tềp trung thu kơnòm dềt in, lơh niam hìu pơrjum [òn, tìp mat đơs crih tamya, tàp pràn să jan mờ ơruh pơnu tàm [òn. Bi Hying, atbồ [òn Đak Trôk đơs: “ Lữ đoàn 40 dong kờl phe, àu mpha, kham sơm kòp cau kra in, pơs wàs, gàr kloh niam gùng lòt. Lữ đoàn 40 mờ làng bol [òn Đak Trô rềp mềr bal mờ gơp bơh uă nam do. Mpồl ling niam ngan, sền gròi ngan tus làng bol tàm [òn lơgar. {òn Đak Trôk kung bè [òn Đak Jă sơl.”

Sùm bơyai lơh ală broă lơh dong làng bol gàr tơl niam rài kis, bơtàu tơnguh lơh sa, kuang bàng, cau ling lữ đoàn 40 tu\ do neh rềp mềr ngan mờ làng bol tàm [òn lơgar kung bè oh kòn tàm hìu nhă. Ai gơ wèt mờ gơnoar atbồ tàm [òn lơhatt, Lữ đoàn 40 bè ală cau lơh broă bal, geh bal dùl kơnòl là sền gàr ngap lơngai, ờ do ờ dă tàm [òn lơhatt. Ồng H Lây, kuang jat jơng atbồ Anih duh broă làng bol ntum Đak Jă, kơnhoàl Mang Yang đơs: “ Lữ đoàn 40 neh dong anih duh broă làng bol ntum Đak Jă uă ngan. Tàm tu\ tơngai jòng, lữ đoàn sùm sền gròi tus làng bol. Lữ đoàn neh dờp lơh oh mi mờ tơl [òn, tàm ală srơh, ală ngai lơh chờ, lữ đoàn neh dong kờl, tă pơgồp bal nàng bơyai lơh nhơl `o\ halà mblàng yal kơrnuat boh lam ndrờm geh. Bơh broă lơh ngan ngồn mpồl ling dê, gơ rềng tus nùs nhơm, git wă làng bol dê. Làng bol go\ kờ` gơboh mờ rềp mềr ngan, nùs nhơm bơh ling klàng mờ làng bol dê rềp mềr ngan.”

Srơh “ Yang phe nùs nhơm” mờ “ Àu nùs nhơm” geh lữ đoàn 40 mut lơh bơh nam 2010. Tus tu\ do, làng bol 4 ntum là Đak Jă, Đak Jơ Ta, A Yun mờ Đak Ta Ley bơh kơnhoàl Mang Yang dê neh geh dong kờl mờr 4 tấn phe, bal mờ git nđờ rbô nơm àu mpha. Kờ` lơh geh khà do, bơsram mờ lơh jat ơnà jak Bác Hồ, pah ngai, ală kuang bàng, cau ling tàm Lữ đoàn tă dùl êt phe he dê, kơp tus nhai puh pah den cèng tàm bòn pà làng bol in. Ai àu mpha, mpồl đơng lam Lữ đoàn hòi jà kuang bàng, cau ling lam sồr cau tờm tă pơgồp àu mpha gam ngan, hơ\ sồng tam cah is, pìh kloh, rơndap niam hơ\ sồng cèng pà làng bol tàm [òn in. Ală srơh ngan ngồn hơ\ geh kuang bàng, cau ling mut lơh tàm uă nam, mơya ờ huan geh cau git là, broă lơh do sơn đờm bơh dùl jơnau ngoh rơngac ngan bơh Đại tá Nguyễn Văn Thuỷ, kuang atbồ Lữ đoàn dê tàm dùl dơ\ ai ling lòt pơlam tàp: “ Lùp dùl nă oh ùr gam dềt ngan, mìng pơgap 15, 16 sơnam: “ Sau neh sàu piang làh hềt? – Sau ờ hềt sàu – Mbè làh tu\ do ờ hềt sàu sơl? – Kơp piang cau ling tus pà”. Đơs ngan, là bol a` hòr dà mat tơn, tài tàm tơngai pơlam tàp, piang, biap, phan sa jơngkah, he tơrgùm dùl bă ơn tàm thàu, hơ\ sồng pà làng bol in siam sur. Mơya tu\ tus mờ go\ oh dềt đơs là “ Kơp piang cau ling pà” den hơ\ sồng he go\ gơ lơh ngoh rơngac ngan. Digơlan mìng geh cau ling hơ\ sồng git làng bol bòl glar bè lơi, mìng cau ling hơ\ sồng git làng bol rơbah bè lơi.”

Tàm tơngai lơh broă tàm ntum Đak Jă, kuang bàng, cau ling Lữ đoàn 40 neh dờp lơh oh mi mờ 7 [òn, 4 hìu bơsram tàm do. Bơh hơ\, mpồl ling neh tă pơgồp mờr 2 rbô ngai lơh broă, dong làng bol ală [òn bơt bơtàu [òn lơgar pa, kham sơm kòp git nđờ rbô nă cau in, bơyai lơh tìp mat, pà sră pơ àr kơnòm bơsram in tàm ală tu\ sa tềp trung thu, nam bơsram pa.

Jat tu\ tơngai, ală broă lơh hơ\ ngai sơlơ tơrbo\ kơ\ nùs nhơm tam klac bal đah ling klàng mờ làng bol, sơlơ lơh niam rlau tai rùp să bơh cau ling wa Hồ dê tàm nùs nhơm làng bol ală kòn cau tàm [òn lơgar. Đại tá Nguyễn Văn Thuỷ, atbồ Lữ đoàn 40, Quân đoàn 3 đơs: “ Lơh mờ làng bol là mờ nùs nhơm, mờ tài rùp să bơh cau ling wa Hồ dê tàm làng bol mờ lơh. Bol a` bơt bơtàu tàm nùs nhơm làng bol là, tu\ lơi tus mờ làng bol đơs là, wa lơi, ồng lơi, mpồl ling bơh Lữ đoàn 40 den, mờ làng bol chờ hờp, làng bol dong kờl he là neh geh cồng nha.”

Mờ ală cồng nha he dê, ală nam do, Lữ đoàn 40 neh geh dờp uă bùng bi pơr lòng, sră jờng bơh Gơnoar atbồ lơgar, Gah sền gàr dà lơgar mờ gơnoar atbồ ală kơnă tàm tiah lơh broă. Mơya digơlan, phan jờng dờng ngan rlau jơh tus mờ kuang bàng, cau ling Lữ đoàn 40 kung gam là bơta pin dờn, nùs nhơm kờ` gơboh mờ làng bol tàm [òn lơgar ai khi in.

                                                              Cau cih mờ yal tơngit K’ Duẩn.