VOV4.K’ho-Đảng he ờ geh bơta kuơ lơi ndai là drơng Dà lơgar in, drơng broă làng bol in. Làng bol là hơđang rlau jơh, là cau tờm mờ là bơta gơn kơnờm mờ jơnau kờ` bơh kăc màng dê…Nùs nhơm gùng dà, broă lơh bơh Đảng dê bè gơnoar bơh làng bol dê sùm geh bơtơl mờ ngai sơlơ lơh gơs. Tàm sră nggal Pơrjum dờng dơ\ XIII bơh Đảng dê dơ\ do neh geh ală bơta bơtơl dờng bè gơnoar broă bơh làng bol dê tu\ bơtơl tàm jơnau đơs “làng bol gi\t, làng bol bơyai, làng bol lơh, làng bol sền swì” gơ gơs “làng bol gi\t, làng bol bơyai, làng bol lơh, làng bol sền swì, làng bol gròi sền, làng bol dờp ngui”. Bơta do đơs nền làng bol sùm là cau tờm, bơta gơn kơnờm mờ jơnau kờ` bơtàu tơnguh bơh dà lơgar dê.

Jăt mò Bùi Thị Hoà, Phó Chủ tịch Mpồl Tam klăc cau ùr Việt Nam đơs, dilah tàm ală tơngai lơh broă lài, Đảng cih dờp gơnoar “lơh tờm bơh Làng bol dê” jăt gùng dà “Đảng đơng lam, Dà lơgar ătbồ, Mặt trận dà lơgar mờ ală mpồl chính trị- mpồl bơtiàn lơh mpồl cau tờm nàng làng bol lơh tờm” bal mờ jơnau đơs “Làng bol gi\t, làng bol bơyai, làng bol lơh, làng bol sền swì”, den dơ\ do Rơndăp cih Sră nggal Pơrjum dờng dơ\ XIII bơtơl tai 2 gơnoar kuơmàng ngan bơh làng bol dê là “gơnoar gròi sền, gơnoar dờp ngui” jăt di jơnau cih bơh Sơnoa boh lam nam 2013 dê mờ Kơrnoat 217, 218, 124, 99 bơh Bộ Chính trị dê…Do là bơta đơs sùm kuơmàng tơngo\ bồ tơngoh “Tài làng bol, sền dờng màng làng bol, tơnguh uă gơnoar broă, bơngă, bơta pràn bơh làng bol dê tàm broă lơh bơtàu tơnguh dà lơgar”. Mò Bùi Thị Hoà, đơs sùm bè do: Tàm sră nggal bơtơl tai làng bol gròi sền, làng bol dờp ngui, bơta hơ\ pà go\ bơta sền gròi bơh Đảng dê gơ wèt mờ làng bol…Làng bol geh gơnoar gròi sền là cau tờm mờ là cau pal geh dờp ngui cồng nha bơh bơ\t bơtàu bơtàu tơnguh dà lơgar dê, hơ\ là làng bol là anih tus bơh jơh ală gùng dà broă lơh bơh Đảng dê, là bơtòm tơrgùm tơngo\ loh làng nùs nhơm ờ tu\ lơi tam gơl bè gơnoar broă lơh tờm bơh làng bol dê”.

Ồng Lê Hữu Nghĩa, Tiến sĩ, lài do là Phó Kuang ătbồ Mpồl duh broă Cribơyai dà lơgar đơs là, Đảng he sùm gi\t loh làng bol là tờm, là cau tờm bơh jơh ală dơ\ tam gơl bơta yau gơ gơs bơta pa, jơh ală broă lơh bơh Đảng dê, dà lơgar ndrờm pal kơlôi tus gàr niam ngan rlau jơh gơnoar mờ bơta kuơ bơh làng bol dê. Ồng Lê Hữu Nghĩa, đơs: Gi\t wa\ loh làng bol là tờm, là bol jơnau kờ`, là cau tờm bơh bơta tam gơl pa mờ bơtàu tơnguh dê…den tàng jơh ală broă lơh bơh Đảng, bơh Dà lơgar, ală anih lơh broă chính trị dê pal tài bơh làng bol, rềp mềl mờ làng bol, gi\t jrô làng bol pal ngan ngồn tài bơta kuơ bơh Làng bol dê”.

Broă bơtơl jơnau bơsram mờng chài mờ bơtàu tơnguh tơngume pa bè lơh niam làng bol lơh tờm là jơnau sồr geh ngan ờ gơtùi pleh klàs, wèt tus ngui niam rlau gơnoar broă đơng lam bơh Đảng dê, kung bè gơnoar broă bơh làng bol dê gơ wèt mờ broă lơh tam gơl pa…Jăt uă cau mờng chài đơs, đảng viên mờ làng bol, broă là lơh bè lơi nàng nùs nhơm tam gơl pa bơh Đảng dê bè gơnoar làng bol lơh tờm bơh làng bol dê geh lam lơh jăt tàm bơta geh ngan, pleh lơh đah bơdìh gời lơm lơh gơmù bơngă pin dờn bơh Đảng dê gơ wèt mờ làng bol.

Tàm Pơrjum dờng, đơs loh 5 jơnau bơsram mờng chài kuơ bè ngui bơta pràn tam klăc dờng jơh gùt jơi bơtiàn, ồng Trần Thanh Mẫn Bí thư Đảng Dà lơgar, Chủ tịch Ủy ban Mặt trận dà lơgar Việt Nam đơs là: gàr kơ\ mờ tơnguh tai bơta đơng lam bơh Đảng dê là jơnau lơh nền nàng Mặt trận bơtòm tơrgùm jơh ală mpồl, bơ\t bơtàu, lơh kơ\ kơl jăp, ngui niam mpồl tam klăc dờng jơi bơtiàn. Tàm jơh ală broă lơh, ală anih lơh broă chính trị pal gi\t wa\ loh làng jrô ơnàng nùs nhơm “làng bol tờm”, lơh tơngkah wơl bơta pràn bơceh pa, bơta kờ` bal bơh làng bol dê, ki ngàm, sền gàr gơnoar mờ bơta kuơ dipal mờ kơrnoat boh lam, dipal ngan bơh làng bol dê. Jăt ồng Trần Thanh Mẫn, đơs: tàm tơngai tus, broă lơh bơh mặt trận dê pal kơlôi tus kơnă hơđơm, iăt kơno jơnau đơs làng bol dê; lơh pràn broă lơh gròi sền, tă pơgồp wơl jơnau đơs bơh mpồl bơtiàn dê, tus bal geh cồng nha rlau tàm bơ\t bơtàu Đảng, gơnoar ătbồ sàng goh, pràn kơldang kơ\ kơl jăp, rơcăng, mờ tam dră sa kuề sa kùa, bơta ờ niam, pơhì, pơhà. Ồng Trần Thanh Mẫn Chủ tịch Ủy ban Mặt trận dà lơgar Việt Nam, đơs: Ală kấp ủy Đảng, Gơnoar ătbồ ală kấp, jơh bal ală anih lơh broă chính trị pal gi\t wa\ loh jrô ơnàng bồ tơngoh Hồ Chí Minh dê bè tam klăc dờng jơh gùt jơi bơtiàn mờ mặt trận jơi bơtiàn tơrgùm dùl Việt Nam; lơh jăt ờ tu\ lơi tam gơl nùs nhơm: Kăc màng là broă lơh bơh làng bol dê, tài làng bol mờ bơh làng bol; lơh gơlik anih [ươn nàng làng bol in bơtàu tơnguh bơta jak, bơta pràn bơceh pa, cèng wơl bơta kuơ ai dà lơgar in.

Broă đơs sùm gơnoar broă bơh làng bol dê, tơnguh uă gơnoar broă cau tờm, gơnoar broă tờm bơh bơh làng bol dê tàm broă lơh bơtàu tơnguh mờ tàm jơh ală broă lơh bơ\t bơtàu dà lơgar tơngo\ bơta gi\t wa\ jrô nùs nhơm “Làng bol là tờm”. Sền do là bơta pràn bơh jơi bơtiàn dê, lơh tơngkah wơl mờ ngui niam bơhiàn tam klăc- làng bol lơh tờm, duh rơngòt adat boh lam mờ bơceh pa…geh gơ gơs là bơnàng jă kuơmàng ai bơta bơtàu tơnguh dà lơgar in tàm tơngai tus.

Cau cih VOV1- Cau mblàng Lơ Mu K’Yến