VOV4.K’ho - Nam do, trồ tiah niam den tàng cồng nha tơnhào plai sầu riêng tàm càr Dak Lak geh uă, khà priă blơi tàm drà kă bro tơnguh uă, den tàng uă hìu tam phan tam do gam chờ hờp ngan. Ờ hềt geh nam lơi broă blơi plai sầu riêng bơh làng bol tàm càr Dak Lak geh uă bè tu\ do. Cau bơh gùt tiah tus tàm do blơi, geh tu\ ai bal rơndeh container tus pơn diang tơn. Jăt mờ uă cau tòm hìu blơi plai chi tàm càr Dak Lak yal, plai sầu riêng tơnguh khà priă uă là tài plai chi do geh cau tus blơi tơrgùm mờ pơn diang kờ` cèng tăc tus tàm uă càr, [òn dờng tàm gùt lơgar mờ tăc tus lơgar Lo mờ khà uă. Bơta do neh lơh khà priă blơi plai sầu riêng làng bol tơnguh uă. Jăt khà kờp bơh Gah lơh sa mờ tơnguh bơtàu [òn lơgar càr Dak Lak dê, den plai sầu riêng geh tam tơrgùm uă tàm ală kơnhoàl Krông Păc, Cư\ Mgar, Krông Năng, [òn drà Buôn Hồ…sơntìl sầu riêng geh làng bol rơwah tam uă là sơntìl bơkiar DONA, Mongthong, Ri6… sơnđan bal là sầu riêng kơnồng rơm^t gar ờ să, geh cồng nha tơnhào mờ plai geh uă rơlao 2 dơ\ jăt mờ sơntìl plai sầu riêng tam mờ gar bè lài do.

        Cau cih mờ yal tơng^t Ndong Brawl