VOV4.K’ho – Sền gròi iat sền Pơrjum dờng Đảng gùt lơgar dơ\ XII, tơnơ\ tu\ mat Mpồl duh broă Đảng Dà lơgar kơnă XII geh yal tơn, uă cau geh Đảng mờ làng bol neh tơlik nùs nhơm chờ hờp, pin dờn mờ đơs niam ngan cồng nha bơh Pơrjum dờng dê; đơs là hơ\ là tài bơh geh bơta rơcang lài kuang bàng niam ngan bơh Mpồl duh broă Đảng Dà lơgar kơnă XI dê mờ bơh ală kuang bàng neh mu\t lơh niam Kơrnoat te\ khà geh Pơrjum dờng ring bal. Cau geh Đảng mờ làng bol gùt lơgar kơ\p kơnờm tàm Mpồl duh broă Đảng Dà lơgar kơnă XII bơh Pơrjum dờng Đảng dơ\ do pồ geh là ală cau geh tơl bồ tơngoh jak, nùs nhơm niam, lơh broă tă pơgồp tài bơh jơnau kờn niam ngan bơh Đảng mờ bơh jơi bơtiàn dê, pơn jat tai mờ broă lơh tam gơl pa dà lơgar. Pin dờn tàm sră pồ bơh ală kuang bàng tus bal Pơrjum dờng dê, ồng Nguyễn Ngọc Hưng ơm tàm kơnhoàl Tây Hồ, [òn dờng Hà Nội, đơs bè do: “A` sền go\ Pơrjum dờng dơ\ XII do lơh tờm uă ngan, loh làng song dơ pă, kơrya ngan, kờp du\ kơlôi sơnơng tơl broă. A` pin dờn ngan ală kuang bàng đùh sră dơ\ do. Mpồl duh broă Đảng Dà lơgar neh rơcang lài lơh tơl broă bè hơ\ kơrya ngan. Dà lơgar lơh kơrya ngan, Mpồl bơyai lơh den lơh nền nòn ngan, ờ lời dùl e\t bơta [ươn lơi ai cau ờ niam in sơmờm. A` gơlơh pin dờn ngan broă te\ khà tàm mho ngai do, rơ wah geh ală cau dipal geh nùs nhơm niam, bồ tơngoh jak nàng đơng lam dà lơgar tàm tơngai tus”.

Uă ngan kuang bàng mờ cau geh Đảng bal mờ làng bol pin dờn Mpồl duh broă Đảng Dà lơgar kơnă XII geh uă bơta tam gơl pa. Tài bơh, pơndrờm mờ sơnam ală tơngai lơh kơnòl broă lài, tơngai lơh kơnòl broă kơnă XII, sơnam bơh kuang bàng Dà lơgar dê dềt rlau; Mờ kuang bàng tàm Mpồl duh broă Đảng Dà lơgar kơnă XII geh bơsram mờ geh rơndăp lài niam ngan.

Cau cih mờ yal tơngi\t- Lơ Mu K’ Yến