VOV4.K’ho- Mang ngai 24/12, bal mờ gi\t nđờ tơlak nă làng bol jăt yàng tàm làm gùt lơgar, gi\t nđờ rbô nă làng bol jăt yàng tàm càr Dăk Lăk neh lòt tus ală hìu yàng, hìu jum nàng wa\ rò Ngai Kơnrà` Lik lìng. Jơh gùt càr Dăk Lăk tu\ do geh 1 tơlak 920 rbô nă làng bol, tàm hơ\ pơgăp 610 rbô nă cau dòn yàng.

Bơh uă ngai do, ală hìu yàng, hìu jum tàm càr Dăk Lăk neh rơcăng uă ngan ai broă crăp mòn bơkàu mờ rơgồng lu\, tờm nho, dà croh, ală đèng pờ àng mờ ù tiah dềt bè ồng kra Noel, Yàng Tơm Trồ mờ ală cau gơnoar bơto rài yau drơng làng bol jăt yàng bal mờ năc lòt nhơl in tàm dơ\ tơngkah Ngai Kơnrà` Lik lìng.

Làng bol jăt yàng tàm Dăk Lăk lòt tus ală hìu yàng răc dan tàm dơ\ pơrjum tơngkah Ngai Kơnrà` Lik lìng

Bơh pa mho mang tơn, tàm ală hìu yàng, hìu jum tàm [òn dờng Buôn Ma Thuột, thị xã Buôn Hồ, ală kơnhoàl: Cư Kui`, Ea Kar, Krông Pach, Buôn Đôn mờ Ea Súp…tàm càr Dăk Lăk neh hăt bềng ngan cau. Jơh tơl nă cau tơrgùm să bal nàng bal mờ gơ\p kah wơl jơnau bơh sơnrờp, jơnau kah yau crơng gơs mờ bơta gơtha bơh dơ\ tơngkah Ngai Kơnrà` Lik lìng dê kung bè hòi dan ai dùl kàl Noel lơngăp lơngai, nam pa ring lơngai pas gơs, chờ hờp mờ geh uă bơta bơtuah bơtuài.

2 nă oh dềt geh mè bèp ai lòt nhơl Noel

Tàm càr Kon Tum, làng bol jat yàng Bàp mờ làng bol tàm tiah do dê neh geh dùl mang tơngkah kir sơn rai Ngai Kơn rà` Lik lìng mờ trồ tiah ram, ală cau lòt nhơl Noel ờ ua\ mờ nam lài, mơya măng tơngkah kir sơn rai Ngai Kơn rà` Lik lìng kung gam geh ua\ bơta ngoh rơngăc mờ chờ hờp là 2 jơnau Lơngai lơngò. Bơta kuơ màng krơi is mờ tơl nam tàm mang pơrjum kah ngai Kờ` Lik lìng nam do dê tàm càr Kon Tum là làng bol jat yàng Bàp tus tàm ală Hìu jum yàng Bàp pơrjum mờ làng bol lòt nhơl Noel ndrờm lơh jat is broă pơn chèu glòm muh mat nàng rcang sơndră kòp Covid-19.

Mang Noel tàm Kon Tum

Mang Noel nam do ală gơl gùng, bè: Nguyễn Huệ,  gơl gùng tềng đap Hìu jum yàng Bàp Tân Hương, Chánh Tòa (Hìu jum Yàng Bàp  lơh mờ dơm chi), halà gùng Trần Hưng Đạo, gơl gùng tềng đap Tòa Giám mục, Hìu jum yàng Bàp Phương Nghĩa ờ geh bơta gơ kòl gùng jo\ jòng bè ală nam lài do. Tam mang drơng kah ngai Kơn rà` Lik lìng, jơh ală Hìu jum tàm càr Kon Tum ndrờm geh bơta rcang lài niam ngan, ngan là bơnah ràng tơlik wơl Ngai Kơn rà` Lik lìng mù tàm dunia do.

Cau mblàng Lơ Mu K’Yến mờ K’Hạnh