VOV4.K’ho – Bal mờ làng bol jat yàng bàp tàm gùt lơgar, làng bol jat yang bàp càr Dak Lak gam lơh uă broă lơh geh kuơ ngan nàng wă rò dơ\ bơyai lơh tơngkah ngai Kơn rà` lik lìng ngap lơngai chờ hờp:

Ală ngai do, ală gơl gùng gùt dar hìu yàng Thuận Hoà, [òn drà Phước An, kơnhoàl Krông Pach, càr Dak Lak geh bơka niam ngan. Àng gơ crà bơh tơl bơta đèng lơh gơs nùs nhơm chờ hờp tàm làm gùt tiah. Tềng đap mpồng, uă hìu nhă neh bơka ală tờm nho Nôel, ală rơ gồng lu\ niam mờ kuơ màng ngan. Tìp ồng Trần Minh Thành, ơm tàm [òn 3, [òn drà Phước An, kơnhoàl Krông Pach tu\ ồng bal mờ tơl nă cau lơh jơh dùl nơm rơ gồng lu\ bal mờ tơl làm bòng nhơt, kơn rà` lik ling [òn he in pà git: “ Pah tu\ tus Nôel den jơh tơl nă cau chờ hờp ngan nàng rơ cang wă rò chờ Nôel geh pơrya kuơ màng ngan rlau jơh bơh cau jat ỳang Bàp dê. Hìu nhă a` kung bè tơl nă cau jat ỳang Bàp lơh rơ gồng lu\ tàm hìu nhă kung bè lơh rơ gồng lu\ tàm hìu yàng. Broă lơh rơ gồng lu\ cèng dùl pơrya dờng màng ngan tài bol a` pin dờn là, hơ\ là tiah mờ ỳang neh lik ling cèng wơl ngap lơngai kòn bơnus dunia in.”

Bal mờ broă bơka hìu nhă, hìu yàng, [òn ơm kis gơ in niam, làng bol tàm ală hìu yàng gam lời uă tu\ jiơ nàng lơh ală broă lơh niam dong kờl cau. Bè tàm hìu yàng Công Chính, ntum Cư Bao, [òn drà Buôn Hồ, bơh bồ nhai Nôel, mpồl dong broă hìu yàng neh tus tơl hìu nhă lam sồr tă pơgồp àu mpha, sră [au\ klar tă pơgồp kờ` dong ală cau rơbah geh dùl nhai Nôel răm mhu\ mờ chờ hờp rlau. Bèp yàng Lưu Nhất Tâm, atbồ hìu yàng Công Chính pà git, nhai Nôel kung là tu\ nàng tơl nă cau kơlôi bal mờ gơp, sền gròi bal mờ gơp, kis geh kơnòl mờ mpồl bơtiàn: “ Cau jat yàng Bàp kis niam den lik bơdìh kung pal kis niam mờ tơl nă cau. Cèng nùs nhơm kờ` gơboh he dê nàng tam pà ală cau gùt dar in, dong kờl tơl nă cau, ngan là ală cau kal ke. Kuơ màng tàm do sền gròi tus cau rơbah, cau kòn cau, tiah sar lơgar ngài, ờ mìng tàm hìu yàng mờ jơh tơl nă cau pal lơh nàng tam pà bal mờ gơp, cau pas kung bè cau rơbah tam pà bal bơta hơ\.”

Càr Dak Lak tu\ do geh rlau 40 jơi nòi jat yàng Bàp bal mờ rlau 250 rbô nă cau jat yàng. Mờ ơnà kis “ Kis niam rài kis lơh àng sơdah jơnau yàng”, làng bol neh geh uă tă pơgồp tàm ală srơh pơr lòng kờ` gơboh dà lơgar, jơh nùs lơh jat ală dơ\ lam sồr bơh dà lơgar mờ [òn lơgar lam lơh, ngan là broă dong kờl cau bè dong kờl cau rơbah, cau kra kis dùl nă să, dong kờl bơsram, dong kờl cau jak chài, lơh gùng lòt [òn lơgar… Bơh hơ\ neh pơgồp bơnah lơh gơs git gơp đah làng bol jat yàng, hìu yàng mờ gơnoar atbồ ngai sơlơ niam, rềp mềr rlau. Đơs bè ală tă pơgồp bơh làng bol jat yàng Bàp dê tàm broă pơgồp bơnah gàr kơ\ ngap lơngai gùng dră bal, bơtàu tơnguh lơh sa mpồl bơtiàn tàm [òn lơgar, ồng Lê Ngọc Tâm, kuang jat jơng atbồ anih duh broă gah tề lam gùng dră bal dà lơgar càr Dak Lak đơs tờm: “ Tàm ală nam pa do, làng bol cau jat  yàng Bàp càr Dak Lak neh geh uă tă pơgồp dờng màng ngan, mờ gah tề lam gùng dră bal bol a` cih dờp, đơs niam ngan. Tơr gùm bơt bơtàu mpồl tam klac dờng đơs bal, bơh ală mpồl lơh broă  bơh anih duh broă tam klac jat  yàng Bàp, ală hìu  yàng, jơi nòi jat yàng mờ uă mpồl tam klac jat yàng Bàp tus bal lam sồr. kuơ màng làng bol jat yàng Bàp tus bal jơh nùs ngan tàm ală broă lơh gàr tơl niam rài kis mpồl bơtiàn mờ tơn jơh jơgloh tơmù rơbah.”

Mờ ală broă lơh kuơ màng bơh ală hìu yàng jơi nòi jat yàng Bàp dê, làng bol jat yàng Bàp tàm Dak Lak gam wă rò dùl nhai Nôel ram mhu\, kờ` gơboh ai jơh tơl nă cau in.

                                                        Cau cih mờ yal tơngit K’ Duẩn.