VOV4.K’ho- Tàm ală ngai do, làng bol ală jơi bơtìan kòn cau dùl êt cau tàm càr Kon Tum gam wèt hờ pơrjum dờng Đảng dơ\ 13 mờ bơta pin dờn jơh nùs kung bè kơp kơ nờm tàm ală broă lơh kuơmàng bơh Đảng dê.

Ờ ru ngan pơs wàs hìu đam nàng rơcang wă rò sa tềp bơhìan yau Tân Sửu nam 2021, mơya ồng A Brưk, kòn cau Bahnar, hìu tàm [òn Kon Klor, sơnah [òn Thắng Lợi, [òn dờng Kon Tum kung gam lời ua\ tu\ tơngai nàng iat rơdiô, sền [a\u, sền tivi nàng git jơnau yal bè pơrjum dờng dơ\ 13 bơh Đảng dê. Ồng A Brưk pà git, să tờm ồng jat yàng Bàp, ồng neh dan mut Đảng pơgap mờ do 25 nam, ồng go\ Đảng rềp mềr ngan, sền gròi rài kis làng bol in. Geh làng bol pồ lơh cau atbồ thôn, đảng viên pồ lơh Bí thư Chi bộ, bơh jơnau git wă ồng dê bè Đảng, ồng neh sùm mblàng yal, hòi jà làng bol [òn Kon Klor pin dờn, iat mờ lơh jat Đảng: “Gơ wèt mờ să tờm a`, bơh nam 1996 neh dan is mut Đảng bloh. Să tờm a` go\ gùng dà bơh Đảng, broă dong kờl, adat boh lam bơh dà lơgar dê di ngan. A` mblàng yal, hòi jà làng bol in git bè Đảng, pin dờn jat Đảng, jat dà lơgar. Gơ wèt mờ làng bol, geh rài kis bè tu\ do kung kơ nờm Đảng, kơ nờm dà lơgar geh gùng dà, broă lơh di bè hơ\, den hơ\ sồng gơtùi bơtàu tơnguh broă lơh sa mờ tơnguh pria\ lơh geh hìu bơnhă in, dong gàr kơ\ kơljap rài kis, tơn jơh jơgloh tơrmù r[ah kơ\ kơljap, tus bal tàm broă lơh mpồl bơtìan”.

Lài mờ pơrjum dờng dơ\ 13 bơh Đảng dê, tàm [làng sre xã Ia Chim, [òn dờng Kon Tum, mpồl lơh bal tam chi sa plai geh 96 nă cau, ua\ ngan là làng bol kòn cau Jrai tàm do gam ờ ru ngan lơh gơs broă rơcang ai rơndap broă lơh ơnàng 10 lồ do in. Tàm tu\ ală bơta phan lơh gơs bơh suơn sre bè kơphe, tiêu, bời lời… tàm ua\ nam rềp ndo sùm gơmù khà pria\ den broă lơh tam prìt công nghệ cap tac hờ lơgar ndai neh pờ gùng bơtàu tơnguh lơh sa pa ai làng bol in.

Ùr ơruh kòn cau Bahnar tàm [òn dờng Kon Tum tamya xoang gờm chờ pơrjum dờng

Ồng A Quang, ơm tàm [òn Ba Sa, xã Ia Chim pà git, bơta pin dờn bơh làng bol dê gơ wèt tus mờ Đảng, dà lơgar, mờ ală kấp gơnoar atbồ tàm [òn lơgar ngan ngồn mờ rềp mềr ngan: “Geh bơta sền gròi bơh ală kấp kuang đơng lam bồ, bơh gơnoar atbồ tàm [òn lơgar dê, làng bol pin dờn ngan. Kuơmàng, ală kuang đơng lam bồ tàm do bơh broă mblàng yal, bơto bơtê, hòi jà làng bol nàng gơtùi git wă broă bơtàu tơnguh lơh sa tàm [òn lơgar nàng lơh geh pria\ jền làng bol in, làng bol pin dờn ngan. Bơdìh hơ\ tai, Đảng, dà lơgar sền gròi ua\ ngan bè tơl gah. Pơn yơu làng bol geh bơta kal ke bè pria\ jền, den gơnoar atbồ tàm do dong làng bol geh càn pria\ nàng bơsong broă lơh làng bol gam lơh tu\ do”.

Càr Kon Tum geh 43 jơi bơtìan kòn cau oh mi ơm kis bal, tàm hơ\ làng bol kòn cau dùl êt cau geh rlau 53% khà kờp làng bol càr dê. Ală ngai do, làng bol ală kòn cau tàm càr Kon Tum geh Sơdàng, Bahnar, Jeh Triêng, Jrai, B’râu, Rơ Mâm mờ H’rê gam wèt hờ pơrjum dờng dơ\ 13 bơh Đảng dê mờ bơta pin dờn jơh nùs mờ ai tơlik ua\ bơta kơp kơ nờm tàm ală broă lơh kuơmàng bơh Đảng dê.

Dùl xã làng bol kòn cau Sơdàng tàm càr Kon Tum

Ồng A Brưk, kòn cau Bahnar, ơm tàm [òn Kon Klor, sơnah [òn Thắng Lợi, [òn dờng Kon Tum đơs: “Bơh sền gròi den bol hi kung neh git bè gùng dà, broă lơh bơh Đảng dê wèt tus pơrjum dờng dơ\ 13. Bol hi pin dờn ngan bè rơndap tap sèng broă lơh bơh Đảng mờ dà lơgar dê. Là cau ala mat dà lơgar in den tàng pal là cau jak chài, geh nùs nhơm niam den hơ\ sồng gơtùi at gơ noar broă hơ\ nàng kơ lôi rơcang làng bol in, ngan là bè lơngap lơngai ờ do ờ dă. Tu\ do den broă sền gàr dà lơgar, sền gàr lơngap lơngai dunia kal ke ngan. Kơ nờm đơng lam bồ chài rơgơi, geh pràn jak, geh nùs nhơm niam den gơtùi lơh kơ nòl broă do mờ lam dà lơgar bơtàu tơnguh. Đảng bol he geh rơ wah di cau, di pràn jak nàng đơng lam dà lơgar bơtàu tơnguh pas sơm rlau”.

Ai ồng A Quang, kòn cau Jrai, ơm tàm [òn Ba Sa, xã Ia Chim, [òn dờng Kon Tum den đơs: “Làng bol pin dờn tàm ală kuang đơng lam bồ tờm ngan tơnơ\ pơrjum dờng do geh ai tơlik gùng dà, broă lơh ai bơta bơtàu tơnguh lơh sa bơh làng bol dê in”.

Bơh xã Sa Loong, kơnhòal tiah nhàr dà lơgar Ngọc Hồi, ồng A Chơl, kòn cau Sơdàng ơm tàm [òn Giang Lố 2 pà git: “Xã Sa Loong là xã ngài, kal ke ngan, rềp nhàr mờ lơgar Campuchia. Gùng lòt rê gam kal ke ngan là bơh xã rê hờ tiah nhàr dà lơgar mờ ală broă lơh ndai ờ hềt wil tơl. Kơp kờ` tơ nơ\ pơrjum dờng dơ\ 13 bơh Đảng dê geh sền gròi bơcri pria\ bè phan bơna ai tiah do in, ngan là gùng lòt”.

Wèt hờ pơrjum dờng dơ\ 13 bơh Đảng dê mờ bơta pin dờn jơh nùs, làng bol ală kòn cau Tây Nguyên đơs bal, tàm càr Kon Tum đơs is gam ai tơlik ua\ bơta kơp kơ nờm tàm ală broă lơh kuơmàng bơh Đảng dê. Bơta kơp kơ nờm hơ\ ngan là gơ gơs ngan ngồn tu\ Nghị quyết bơh Đảng dê geh lam lơh jat ngan ngồn tàm rài kis, mờ ală broă lam lơh ngan ngồn.

Cau mblàng K’Duẩn