VOV4.K’ho- Kàl hàm nam 2020, rlau 850 lồ ù lơh sa suơn sre ờ hoan geh cồng nha neh geh làng bol jơi bơtìan kòn cau kơnhoàl Đức Trọng, càr Lâm Đồng tam gơl tam tàm pơdar ală phan tam biăp plai đo, bơkào, tờm zơu… Bơh bơta tam gơl bè broă lơh sa, rài kis lơh sa bơh làng bol dê kung neh ngai sơlơ geh tơnguh uă loh làng.

Tàm 2 nam rê wơl hơ do, cau lơh broă sa tàm 2,3 xã gơ wèt kơnhoàl Đức Trọng, càr Lâm Đồng neh koh kơl jơh tờm kơphê kra, kòi lơh 1 kàl tam gơl tus tam biăp, plai đo, tờm zơu. Bè xã Tà Năng, Dà Loan, Tân Thành, Tân Hội, Phú Hội, Bình Thạnh mờ thị trấn Liên Nghĩa…neh tam gơl geh cồng nha. Kờp jơh bă ù tam kơphê neh koh kơl jơh mờ tam gơl tus ală phan tam ndai tàm nam 2020 mờr 270 lồ mờ tam gơl bă sre lơh kòi 1 kàl là 160 lồ.

Làng bol jơi bơtiàn kòn cau tam gơl tờm chi tam tàm Đức Trọng

Tiah làng bol jơi bơtìan kòn cau tàm xã Tà Năng, kơnhoàl Đức Trọng gam lơh geh dùl bơta tam gơl bè bơta g^t wă tàm broă lơh sa jat broă lơh tơnguh uă  priă lơh geh phan bơna dê. Là dùl tàm ală cau pa g^t mờ broă lơh sa pa, mơya mìng rơ\p tơnơ\ 3 nam tam gơl 5 sào kòi sre tus tam mre\ mờ blơn sùt, bi Lý Văn Nghiêm, ơm tàm thôn Tà Sơn neh mhar ngan ai bơta lơh sa hìu bơnhă dê lik bơh bơta jơ gloh r[ah. Bi Nghiêm đơs: “Lài mờ tu\ tam gơl tus tam phan lơyah tơngai, rài kis hìu bơnhă a` mìng kơ\p gơn tàm 2,3 sào kơphê kra mờ kòi sre lơm gời. Bơh ngai tam gơl phan tam, rài kis neh geh tơl rlau. Dilah lơh jat broă lơh lài do den ờ tu\ lơi bơtàu tơnguh ờ. Tu\ do, a` pa g^t tus broă bơsram bơta chài, mơkung tus bal bơsram tàm ơ du\ pơlam tàp bơh gah bơto bơtê broă lơh sa kơnhoàl dê bơyai lơh nàng gơtùi ngui tàm broă lơh sa, rài kis den ngai sơlơ bơtàu tơnguh uă.

Ồng Vy Thành Hoài Khương ơm tàm thôn Dà RGiềng, xã Dà Loan, kơnhoàl Đức Trọng là cau rềp mềr ngan mờ broă tam biăp, plai đo tàm do bơh tàm ngai sơn rờp crơng gơs Hợp tác xã biăp bơkào công nghệ cao Dà Rgiềng. Kơnờm tus bal tàm Hợp tác xã lơh sa biăp plai đo, bơkào công nghệ cao tàm thôn, hìu bơnhă geh Mpồl cau lơh broă sa dong kờl bơcri priă bơt bơtàu ma\y tulơh ală ding tuh dà is mờ ma\y mok; mơ kung, dong kờl càn priă neh dong hìu bơnhă geh  nàng tam biăp, plai đo cèng wơl cồng nha lơh sa uă.

Pa do, hìu bơnhă bi Khương pa tơn hào 6 sào blơn su\t, do là kàl tơn hào geh uă ngan bơh hìu bơnhă dê. Bi Khương chờ hờp pà g^t, hìu bơnhă bi dê geh 6 sào ù sre lơh kòi, bi tam gơl tus broă tam khoah den hơ\ sồng tam blơn sùt. Pa do, tu\ tơn hào, kờp bal tơl sào geh pơgap 2 tấn, priă tă lơh jơh pơgap 30% priă lơh geh, tơl tấn blơn su\t digơlan geh priă cồng rlau 10 tơlak đong. Cồng nha lơh sa loh làng den bi lơh ngan tam gơl tai 4 sào tam bùm tơi.

Tàm kàl hàm nam 2020, tàm Đức Trọng, càr Lâm Đồng, ală phan tam gơmù bè bă ù, bè: kòi, tơngời, kơphê. Ală phan tam gơguh bè bă ù, bè: bùm lô, khoah, bơkào, tờm zơu… Rơndap tap sèng phan tam gam geh uă jat rơndap broă lơh rơndap tap sèng gah lơh sa suơn re bơh kơnhoàl dê.

Ồng Phạm Hồng Hải – Kuang atbồ phòng Nông nghiệp mờ Phát triển Nông thôn kơnhoàl Đức Trọng pà g^t: broă tam gơl rơndap tap sèng phan tam tàm ù lơh kòi, kơphê neh kra neh dong gah lơh sa suơn sre kơnhoàl dê bơtàu tơnguh mhar mờ kơ\ kơl jap, là bơta buơn nàng tiah do in bơtàu tơnguh mhar broă lơh lơh sa suơn sre jat gùng dà công nghệ cao.

Tam gơl rơndap tap sèng phan tam tàm tiah jơi bơtìan kòn cau gam lơh jat gùng dà bơh rơndap broă lơh rơndap tap sèng wơl gah lơh sa suơn sre kơnhoàl dê  Biăp, bơkào pơn jat tai geh kơnhoàl hòi jà bơtàu tơnguh jat gùng dà công nghệ cao. Bơh hơ\, geh tam gơl bă ù lơh kòi dùl kàl mờ bă ù tam kơphê neh kra tus broă tam biăp plai đo, bơkào. Bơh nam 2008 tus tu\ do, gah Lơh sa suơn sre kơnhoàl Đức Trọng, càr Lâm Đồng neh lơh jat broă lơh tam gơl geh rlau 2 rơbô lồ ù lơh kòi 1 kàl dùl nam tus broă tam biăp plai đo, bơkào công nghệ cao, pơgồp bơnah ai bă ù tam biăp, plai đo, bơkào jat broă lơh công nghệ cao bơh kơnhoàl dê gơguh rlau 10 rơbô 680 lồ ( tàm hơ\ geh rlau 400 lồ hìu jàl, hìu krơh; 10 rơbô 240 lồ ngui công nghệ tuh dà is…)

Jơh ală bă ù tam biăp, plai đo, bơkào công nghệ cao kơnhoàl Đức Trọng, càr Lâm Đồng dê tơr gùm tàm ală xã Hiệp An, Hiệp Thạnh, Liên Hiệp… mờ thị trấn Liên Nghĩa. Priă lơh geh bơh broă lơh sa kờp bal pah nam neh lơh geh 280 tơlak đong dùl lồ. Uă bă ù lơh kòi 1 kàl tam gơl tus broă tam biăp, plai đo, bơkào jat broă lơh công nghệ cao ai priă lơh geh pah nam rlau 500 tơlak đong tus 1 tơmàn dùl lồ. Bơh hơ\, pơgồp bơnah tơnguh cồng nha lơh broă, tơnguh uă bơta bơkah niam mờ bơta pràn tàm pơr lòng bơh phan bơna dê, tơnguh cồng nha lơh sa tàm dùl bă ù lơh sa; lơh geh tu\ tơngai niam nàng lơh gơs rài lơh sa suơn sre phan bơna di pal mờ jơnau kờ` drà kă bro dê; lơh geh bơta gơn kơnờm bơtàu tơnguh lơh sa [òn lơgar mờ pơgồp bơnah bơt bơtàu [òn lơgar pa.

 Quốc Học jat Ba\o Lâm Đồng- Cau mblàng K’ Hạnh