VOV4.K’ho - Ntum N’thol Hạ, kơnhoàl Đức Trọng, càr Lâm Đồng geh rlau 1.300 hìu, 6.500 nă làng bol, gơ wèt 18 jơi bơtiàn kòn cau krơi is, tàm hơ\ uă ngan la cau K’ho. Tơ nơ\ pe nam geh Kuang atbồ lơgar jàu pà Gai lòng lơh broă khà III tài neh geh cồng nha jak ngan tàm broă lơh kơ\ kơl jăp mờ bơtàu tơnguh mpồl tam klăc dờng jơi bơtiàn, làng bol ală kòn cau tàm do ngai sơlơ bềng bơta tam klăc, ơm kis bal rềp mềl ngan. Chờ hờp tài bơh bơta dùl nùs, dùl tồr, tơr gùm bal pràn, brồ guh bơta tam klăc dờng bơh ală kòn cau dê tàm broă bơ\t bơtàu [òn lơgar tờm, ồng Sơ Nưr Ha Siêng, là cau kra bòn, ơm kis tàm Bòn Rơm, ntum N’thol Hạ, kơnhoàl Đức Trọng, đơs“ Ưn ngài Đảng mờ Dà lơgar neh sền gròi dong kờl uă ngan tus mpồl tam klăc dờng gùt jơi bơtiàn, neh dong kờl làng bol gam tìp uă kal ke, bulah tu\ do rài kis lơh sa bơh làng bol dê kung gam tìp uă kal ke, mơkung kung gam bal dùl nùs tam klăc bal mờ kơ nờm bal mờ gơ\p nàng kis. Dilah pơndrờm mờ lài do, den đơs ngan là rài kis bơh làng bol dê neh tam gơl uă ngan, mờ tơl ngui tơl sa kơ\ kơl jăp rlau, tài lài do lơh sa den lơh is sa is, ai tu\ do den neh tam gơl tus broă lơh sa lơh gơlik phan bơna kă bro. Bè phan bơna kung neh geh sền gròi bơcri priă lơh, bè lơh ồs đèng, gùng lòt, hìu sơ nơm, hìu bơ sram neh geh lơh jơh tơl ngan. Sa tềp bơhiàn den làng bol kung gam pal bơyai lơh nô sa chờ hờp sơl, mờ ngăp lơngai mơya pal nô sa kơrhia mờ gi\t tềm pềr”.