VOV4.K’ ho - Mpồl lơh broă sa bal tàm pơlòng lơh sa, kă bro jăk tàm càr Dak Lak ală nam do neh cèng wơl cồng nha kuơ màng ngan, pơgồp bal tàm broă tơn jơh jơgloh, tơmù rơ[ah tàm càr do dê.

Lo\ H’ Bin Niê, kòn cau Rơđê, kis tàm [òn Tring 4, ntum Ea Blang, [òn drà Buôn Hồ pà g^t, lài do, broă lơh sa hìu nhă gơtìp kal ke, geh tu\ jơgloh tàm tơngai puh pah. Gơl^k geh mìng là tài ờ tơl priă bơcri tàm broă lơh sa, ờ khin tìp mờ cau den tàng ờ g^t tàm broă lơh sa. Nam 2010, lo\ geh mpồl cau lơh broă sa ntum lam sồr tus bal mờ ală ơdu\ bơsram bơto pơlam broă lơh sa, tus sền mờ bơsram bơh ală broă tơnguh bơtàu lơh sa ală hìu cau ndai tàm mpồl. Bơh tu\ hơ\, lo\ H’ Bin neh g^t bè broă ròng kơnrồ, tam phan; geh càn priă bơcri tàm broă lơh sa. Mờ mìng lơh sre, tam tơngời, hìu nhă lo\ gam lơh tai kơphe mờ ròng sur; den tàng pah nam hìu nhă lo\ geh bơh 180 tus 200 tơlăk priă. Lo\ H’ Bin Niê pà g^t: “Tàm ală nam lài kal ke ờ tơl sa, ờ tơl soh, kơnòm mờ mpồl cau lơh broă sa tus bơto tàm broă tam phan, ròng sur mờ a` neh lam sồr nùs nhơm mờ ờ hềt đơs tus bè làng bol mờ să tòm pal tus lơh ngan tàm broă lơh. Kơnờm mờ hơ\, den tàng rài kis kal ke hìu nhă a` dê tu\ do neh tơl ngui tơl sa đao”.

Den mờ ồng Y Plu Êung, kòn cau Mnông kis tàm [òn Lê, [òn drà Liên Sơn, kơnhoàl Lak ờ mìng bơcri priă lơh sre mờ tam tơngời, mờ gam g^t tàm broă tơnguh bơta pràn, bơta [uơn tàm tiah nhơl chờ tơnao dà Lak geh pơnrơ niam kờ` kă bro. Là cau kòn cau kis bơh jo\ tàm do, geh broă lơh ờs mờng là ròng rơwas, den tàng ồng Y Plu neh ngui kờ` pờ broă đì rơwas lòt nhơl sền gùt dar tơnao dà Lak. Pah nam hìu nhă ồng geh rơlao 430 tơlăk priă. Geh lơh hìu dờng niam, rài kis hìu nhă tơl ngui tơl sa, ồng Y Plu gam dong kờl ală hìu gơtìp kal ke, tam pà bal ală broă lơh mờng chài tàm broă lơh sa: “Pah nam a` dong kờl bè sơntìl phan tam, phan ròng, tàm mpồl geh cau ờ tơl priă den a` ai càn priă ờ sa priă cồng, tus kàl tơnhào lơh sa den cau tơm. Dơ\ 2 là a` yal bè broă lơh sa lơi bè ròng phan, pờ ơnàng lơh sa, ală broă lơh, lơh bè lơi pah nam pal tam gơl is, sơlơ ngai sơlơ krơi is kờ` ală cau tàm mpồl sơlơ ngai kung sơlơ tơnguh”.

Bơh dềt tus dờng kis tàm kơnhoàl Thăng Bình, càr Quảng Nam, mơya ồng Võ Văn Sơn tus tàm càr Dak Lak lơh sa mờ ơm kis tàm ntum Cư\ Kty, kơnhoàl Krông Bông. Bơh 4 sào ù sơnrờp ngan, tus tu\ do, ồng Sơn neh pờ ơnàng geh 20 lồ ù lơh sre, tam tơngời, tam tào. Bơh tàm hìu gơwèt khà rơ[ah ntum dê, tu\ do, rài kis hìu nhă ồng neh geh 500 tơlăk priă pah nam.

Ờ mìng drơng tàm broă tơnguh bơtàu lơh sa hìu nhă, lồi nam 2010, ồng neh lam sồr ờ uă làng bol tàm tiah do crơng gơs mpồl lơh sa bal bè broă lơh sa suơn sre sơnam là mpồl lơh broă sa bal Thăng Bình mờ geh 23 nă cau tus bal. Bơh tàm 2 nam lơh broă, mpồl lơh broă sa bal neh gơs là anih ai làng bol tàm tiah do in tìp mờ ală cau jăk chài, anih lơh sa kă bro. Bơh tu\ hơ\, broă lơh sa geh cồng nha mờ tăc phan geh lơh bơh broă lơh sa suơn sre geh niam rơlao. Kàl lơh sa 2014-2015, mpồl lơh broă sa bal neh ai phan lơh broă sa suơn sre, dong kờl priă lơh sa rơlao 400 hìu tàm tiah do mờ khà priă bơcri mờr 6 tơmàn priă. Mpồl lơh broă sa bal do k^ broă lơh bal mờ ai anih lơh sa kă bro tào sơdàng Dak Nông in 11 robô tấn tào, geh rơlao 10 tơmàn priă. Ồng Võ Văn Sơn đơs: “Tu\ làng bol tus bal, lài ngan geh kuơ là anih kơl dìng tàm broă lơh, bơh tàm broă kờ` geh phan lơh broă tus mờ broă lơh ală broă pơn jăt tai bè tam, sền gàr phan tam geh mpồl lơh broă sa bal sền gàr, pơlam mờ dong kờl. Tus tàm tu\ tơnhào den geh mpồl lơh sa bal do blơi, di lah kờ` tăc phan lơi den geh mpồl lơh broă sa bal do blơi mờ khà priă ring niam rơlao, den tàng làng bol gơboh ngan tus bal”.

Jăt jơnau yal bơh mpồl cau lơh broă sa bal càr Dak Lak yal, 5 nam do, broă pơlòng kờ` gơboh mờ dà lơgar geh ală cau tàm mpồl kờ` bal, cèng geh cồng nha mùl màl. Gùt càr geh rơlao 337 rơbô nă làng bol geh khà “Lơh sa kă bro jăk”, mờ rài kis pah nam geh bơh 50 tơlăk tus 1 tơmàn priă. Tàm broă bơ\t bơtàu [òn lơgar pa. Mpồl cau lơh broă sa bal neh lam sồr tă geh mờr 50 tơmàn priă, rơlao 450 rơbô ngai lơh broă mờ g^t nđờ rơhiang lồ ù geh ai kờ` lơh ală broă lơh drơng rài kis broă lơh sa làng bol in. Mờ ală kơnă tàm mpồl neh tă geh 2 tơmàn priă kờ` lơh niam wơl mờ lơh pa 500 nơm hìu ală cau tàm mpồl geh rài kis rơ[ah in. Bơh tàm broă dong kờl bơh ală kơnă mpồl, 5 nam do neh geh rơlao 15 rơbô 500 hìu nhă tàm mpồl cau lơh broă sa bal càr Dak Lak tơnguh klàs mờ rơ[ah, tơl ngui tơl sa tàm rài kis.

Cau mblàng Ndong Brawl