VOV4.K’ho- Làng bol lơh broă sa mu\t tàm kàl tơnhào uă bơta phan geh lơh bơh broă lơh sa suơn sre. Mơya, broă ò geh tơnhào, gơmù khà priă tăc gơtìp tai lơh aniai uă ngan tus mờ rài kis bal mờ broă bơcri priă tàm kàl lơh sa pơn jăt tai.

Tàm hơ\ bùm lô mờ kơphe là 2 bơta phan geh bơh broă lơh sa suơn sre gơtìp aniai uă ngan. Ờ mìng ờ geh tơnhào mờ priă tăc kung gơmù uă, kal ke tàm broă kă bro.

Tàm suơn tam bùm lô Lệ Cần gam tơnhào, ồng Hoàng Văn Trung, kis tàm [òn 3, xã Tân Bình, kơnhoàl Đăk Đoa, càr Gia Lai moăt să mờ đơs: kàl lơh sa do, bùm lô mìng tơnhào geh di pơgăp 8 tấn tàm 1 lồ, gơmù di pơgăp 4 tấn pơn drờm mờ kàl lài.

                       Bùm lô Lệ Cần, kơnhoàl Đăk Đoa gơtìp ờ geh tơnhào, gơmù khà priă

Geh bơta do, bơta tờm là tàm tơngai [ùm kờ` geh să den trồ prang, ờ geh dà tàm tơngai jo\. Ờ tơl dà den tàng bùm lô ờ să, mờ mìng geh să dềt, ờ tơl nàng tăc mờ lơgar bơdìh, khà priă tăc kung gơmù. Là bơta phan geh lơh bơh broă lơh sa suơn sre krơi is tàm tiah do dê, mơya khà priă tăc bùm lô nam do ờ hềt tus 7 rơbô đong tàm 1 k^, kờp bal priă geh mìng tơl bơcri tàm broă  sơnka sền gàr.

Ồng Hoàng Văn Trung pà g^t, do kung là bơta bal bơh làng bol kis tàm tiah geh tam 100 lồ bùm lô Lệ Cần, xã Tân Bình, kơnhoàl Đăk Đoa dê:

-Nam lài, khà priă tăc geh di pơgăp 12 rơbô đong tàm 1 k^, cồng nha tơnhào geh bơh 12 tus 13 tấn tàm 1 lồ. Nam do trồ tiah ờ niam, tu kòp bal mờ trồ tiah ờ niam bè nam lài. Đơs bal, làng bol lơh broă sa geh tu\ gơtìp ờ geh tơnhào, geh tu\ geh tơnhào, nam do tam ờ geh den nam tơnơ\ tam gơmù bă ù, ờ tam uă tai.

Ồng Trương Minh Thắng, kuang atbồ UBND xã Tân Bình, kơnhoàl Đăk Đoa pà g^t: Bùm lô Lệ Cần bơkah geh pơnrơ ngan, mơya làng bol lơh broă sa gam gơtìp kal ke tài gơmù cồng nha tơnhào mờ kal ke tàm broă tăc. Nam do, gùt xã tam geh di pơgăp 100 lồ, tài trồ tiah ờ niam, lơh cồng nha tơnhào gơmù pơn drờm mờ ală nam.

Ală kàl lài tơnhào geh bơh 10 tus 12 tấn, mơya nam do, tàm 1 lồ kàl lơh sa do geh tơnhào mìng bơh 6 tus 7 tấn. Ồng Nguyễn Trình kis tàm [òn 3, xã Tân Bình là cau tam bùm lô Lệ Cần uă ngan tàm xã do, pah nam ồng tam di pơgăp 30 lồ. Mơya, nam do, ồng mìng tam 17 lồ, cồng nha tơnhào bơh ală bă suơn ndrờm gơmù di pơgăp bơh 30 tus 40%.

Bơta ờ geh tơnhào bè do kung gam gơbàn sơl mờ tiah lơh kơphe tàm càr Gia Lai. Mò Bùi Thị Thanh, kuang atbồ UBND xã Ia Nan, kơnhoàl Đức Cơ pà g^t, xã geh mờr 600 lồ ù tam kơphe ndrờm gơtìp gơmù cồng nha tơnhào tài trồ prang. Mùl màl, tơl lồ suơn kơphe mìng tơnhào geh bơh 12 tus 15 tấn plai ris, gơmù mờr nggùl pơn drờm mờ nam lài.

Làng bol lơh broă sa càr Gia Lai gơtìp kal ke tài cồng nha broă lơh sa gơmù mờ khà priă tăc ờ gơguh, khà priă cau p^c plai gơguh uă

Cồng nha tơnhào gơmù, khà priă cau p^c plai gơguh uă (rơlao 200 rơbô đong tàm 1 nă 1 ngai), lơh tơl lồ kơphe, làng bol mìng geh priă cồng di pơgăp 10 tơlăk đong, ờ geh priă nàng bơcri tàm kàl lơh sa tơnơ\ tai. Ờ mìng bè hơ\, broă jòi cau p^c plai kơphe kung neh gơtìp kal ke sơl.

-Bè nam do, trồ prang lơh aniai tus 594 lồ nggùl suơn kơphe, gơtìp hoàc huơr bơh 30 tus 50%. Bol a` yal mờ kơnhoàl, kơnhoàl bơto sồr sền wơl, lam sồr ală hìu làng bol pal tơmù is, mờ lơh sră nggal dan mờ dà lơgar dong kờl.

Kơphe ờ geh tơnhào ờ mìng gơbàn mờ bă ù bơh làng bol dê mờ gam geh bal tus mờ công ty gơwèt Tổng Công ty kơphe Việt Nam lơh broă tàm càr do sơl. Ồng Vũ Văn Đại, kuang atbồ Công ty kơphe Ia Sao 2 pà g^t: Công ty geh 464 lồ ù jào ai làng bol in lơh.

Tài gơtìp bơh uă bơta trồ tiah, neh lơh cồng nha tơnhào kơphe nam do gơmù uă ngan pơn drờm mờ kàl lơh sa lài. Bơdìh hơ\ tai, uă bă ù tam kơphe bơh Công ty neh kra, ờ pràn kung lơh gơmù uă ngan tus mờ cồng nha tơnhào sơl. Kờp du\, kàl tơnhào kơphe nam 2020-2021, kờp jơh khà geh bơh Công ty gơmù 20% pơn drờm mờ kàl lài.

Gam ồng Nguyễn Quốc Tư, kuang atbồ phòng Nông nghiệp mờ Phát triển Nông thôn kơnhoàl Đức Cơ den pà g^t, kờp du\ kàl lơh sa do mìng is kơphe gơmù cồng nha tơnhào kung neh lơh hoàc huơr di pơgăp 67 tơmàn đong.

Bă ù tam kơphe gơtìp aniai uă là tàm ală tiah geh tam gơl bơh bă ù tam cao su, tài ờ tơl dà tuh tàm kàl prang. Bal mờ broă dong kờl nàng làng bol tơmù ờ uă kal ke, geh priă nàng bơcri tai, kơnhoàl neh sền wơl nền nòn ală bă ù tam kơphe ờ geh cồng nha, bơto sồr làng bol rơwah phan tam di pal rơlao:

-Bol a` geh sền wơl mờ dan tam gơl. Di lah làng bol lơh ngan tam gơl bal mờ broă dong kờl bơh dà lơgar den geh dong kờl ală broă lơh pơn jăt tai. Bè dong kờl sơntìl, dong kờl khà priă sơntìl, ală bơta phan tam gơdờp mờ trồ tiah, ha là dong kờl priă jăt broă lơh pơgồp bal. Lơh ngan là ba` lời gơtìp ală bă ù tam phan neh gơtìp trồ prang mờ gam pơn jăt tai tam pa den tơnơ\ do pơn jăt tai gơtìp hoàc huơr.

Jăt Sở Nông nghiệp mờ Phát triển Nông thôn càr Gia Lai yal, càr do tu\ do geh rơlao 97 rơbô lồ kơphe, tàm hơ\ geh 83 rơbô lồ neh geh tơnhào, gam tai gam tàm tơngai dờng mờ tam pa. bă ù tam kơphe tơrgùm uă ngan tàm ală kơnhoàl bè: Ia Grai, Chư Prông, Chư Păh, Đak Đoa, Chư Sê, Mang Yang. Bu\ lah mìng rơ\p tơnhào geh di pơgăp 40% bă ù tam, mơyageh uă làng bol ndrờm đơs là, cồng nha tơnhào kơphe nam do gơmù uă ngan pơn drờm mờ kàl tơnhào lài do.

Cau cih Nguyễn Thảo-Cau mblàng Ndong Brawl