VOV4.K’ho - Tơnơ\ 6 ngai lơh broa\  mờ nùs nhơm nhap nhar, kràn cê, dơ\ pơrjum dơ\ 4, Mpồl đơng lam atbồ Đảng dà lơgar kơna\ XII neh tơnjơh tàm drim 14/10, tàm Hà Nội. Ua\ cau kuang, cau geh Đảng geh đơs bơta chờ hờp mờ pin dờ` tềng ala\ broa\ lơh bơh dơ\ pơrjum ai tơlik. Ồng Võ Thanh Chín kuang jat jơng atbồ mpồl cau ling yau càr Kontum,  di nùs ngan đơs:“Sa\ tờm a` go\ kơrnuat do geh đơs ua\ ngan bè bơta nùs nhơm gùng dra\ bal, ơnà sa\, rài kis. A` kơp kờ` la kơryan geh ngan la bơta sa kuề sa kùa, bơta kuơ is sa\ tờm,  bơta kuơ is mpồl mờ  ngan la  bơta  kuơ mpồl. Mờ la cau geh Đảng Cộng sản, a` kơp kờ` kơrnuat dà lơgar 4, kơna\ 12 do pal geh lơh dơle\ bal,  lơh nền nòn, ngan ngồn mờ broa\ lơh pal geh lơh mhar tus làng bol. Den tàng do la broa\ làng bol sền gròi tus bơta atbồ bơh Đảng bol he. Mờ Đảng he dờng kràn la bơta pràn bơh gùt làng bol”.

            Cau geh Đảng Lê Văn Toà ơm tàm [òn dờng Dà Làc, càr Lâm Đồng đơs là, ală tơngume mờ pơrjum đơs tus ndrờm là ală bơta mờ cau geh Đảng mờ ală rơnàng làng bol sền gròi uă ngan, nàng ală bơta ai tơlik geh bơsong geh cồng nha, ală broă ờ niam pal geh bơsong jơh. Ồng đơs: “ Kờ` kơrnuat pơrjum dơ\ 12 bơh Đảng dê ngan ngồn mut ngui tàm rài kis, kờ` ală broă lơh ai tơlik tàm pơrjum dơ\ do geh mut ngui geh cồng nha, den ală broă lơh ờ niam, hơ\ sồng ală cau geh broă lơh ờ niam tu\ do gam gơlik geh tàm mpồl Đảng, tàm mpồl duh broă dà lơgar, pal geh tơr gùm bơsong mờ pal geh lơh glài gơ in krà`, den hơ\ sồng gơtùi cèng wơl cồng nha uă. Là dùl nă cau geh Đảng den a` kung kơp kờ` Đảng he dê ngan ngồn pal lơh krà` bè bơta do.”

             Cau geh Đảng Ngô Thành tàm [òn dờng Pleiku, càr Gialai den đơs là, pơrjum dơ\ do ai go\ bơta lơh ngan bơh dà lơgar dê tàm broă lơh niam mpồl cau geh Đảng. Ồng pin dờn, bal mờ cồng nha lơh geh bơh pơrjum dà lơgar 4 kơnă 11, tơnơ\ pơrjum dơ\ do, Đảng geh pơnjat tai đơng lam bồ dà lơgar, lơh geh bơta tam gơl niam rlau.

             Cau cih mờ yal tơnggit K’ Duẩn   mờ K’ Brọp