VOV4.K’ho - Pin dờn tàm cồng nha bơh pơrjum dờng cau ala măt gùt lơgar dơ\ 13 bơh Đảng kung bè jơnau chờ mờ khà măt bơh ală kuang bàng pa geh pồ tàm Ban chấp hành Đảng Cộng sản Việt Nam khoă 13, làng bol gùt lơgar kơ\p gơn bè ală gùng dà broă lơh di pal, ai geh bơta pràn tàm broă tơnguh bơtàu dà lơgar dê tàm tơngai lơh broă tus bơh Ban chấp hành Đảng dà lơgar khoă pa.

Iăt mờ sền gròi ală tơngu me mờ jơnau đơs bơh ală kuang bàng tàm pơrjum dờng cau ala măt gùt lơgar dơ\ 13 Đảng dê bơh anih jơnau đơs Việt Nam, ồng Nguyễn Trọng Khoa, Bí thư huyện uỷ kơnhoàl Thanh Oai, [òn dờng Hà Nội lài do chờ hờp mờ ală kuang bàng pa geh pồ tàm Ban chấp hành Đảng dà lơgar khoă 13:

-Bol a` pin dờn tàm ală kuang bàng geh pồ tàm Ban chấp hành Đảng Cộng sản Việt Nam khoă 13 ndrờm là ală cau jăk chài bơh Đảng dê, là ală kuang bàng bơh tàm ală tiah tus dà lơgar ndrờm là ală cau kuang lam lài geh nùs nhơm niam, jăk chài. Bol a` pin dờn tàm ală kuang bàng geh đơng lam dà lơgar Việt Nam tàm tơngai lơh broă do geh ală bơta kuơ màng pa tàm broă tam gơl mờ bơ\t bơtàu dà lơgar, sền gàr Dà lơgar kờ` bơgoh he dê.

Ai nùs nhơm pin dờn tàm mpồl kuang bàng đơng lam uă ngan bơh dà lơgar dê tàm tơngai pa pơn jăt tai tam gơl pa gùng dà broă đơng lam, geh ală gùng dà broă lơh pa di pal, ai lơgar Việt Nam dờng pràn ndrờm bal mờ ală lơgar tàm tiah do kung bè tàm dunia, tàm hơ\ uă ngan là kờ` kơrian geh kòp Covid-19 gam gơtìp kal ke, ồng Ngô Ngọc Điển, Chủ tịch Uỷ ban Mặt trận dà lơgar Việt Nam sơnah [òn Phúc Xá, quận Ba Đình, [òn dờng Hà Nội kơ\p kờ`:

-Pa do den Đảng mờ Dà lơgar neh geh ală broă lơh di pal tàm broă tam cah is mpồl bơtiàn, tam cah is, wàng se nàng kơrian kòp, kung kơ\p kờ` là tềng đăp mờ bơta kal ke bơh kòp gơtờp tàm ală tiah tu\ do, bal mờ broă tam gơl să pa bơh virus dê, mờ lơh gơtờp mhar ngan bè hơ\, Chính phủ geh ală broă lơh pràn rơlao, nàng lơh bè lơi gờ` kơrian mờ kòp gơtờp mờ càr niam làng bol nàng lơh broă sa mờ tam dră mờ kòp mờ ờ gơtìp aniai tus mờ broă tơnguh bơtàu broă lơh sa bal mờ broă tơnguh bơtàu dà lơgar dê.

Ồng Nguyễn Văn Bảy, kis tàm sơnah [òn Đồng Phú, [òn dờng Đồng Hới, càr Quảng Bình đơs là, pơrjum dờng cau ala măt dơ\ 13 Đảng dê neh pồ geh ală kuang bàng, kuang đơng lam cấp kuơ màng nàng gàr niam nùs nhơm geh sùm, dờp bal, mờ geh broă tam gơl pa bal mờ broă pơn jăt tai bơh ală rơnàng dê. Jăt ồng Nguyễn Văn Bảy đơs, pơrjum dờng neh rơwah geh ală cau geh pơnrơ jăk, geh bơta pràn, lam lài mờ pin dờn pồ tàm Ban chấp hành Đảng dà lơgar:

-Do là pơrjum dờng geh rơcang jo\ ngan, nền nòn ngan bơh Đảng he dê. Pơrjum neh pồ geh 1 Ban chấp hành geh tơl bơta ngăc ngar mờ bơta pràn kơl dang, bơh tu\ hơ\ Ban chấp hành Đảng dà lơgar geh pồ geh Bộ Chính trị, Ban Bí thư là ală cau geh nùs nhơm niam, jăk chài ntào đơng lam làng bol mờ dà lơgar.

Kơ\p kờ` mpồl kuang bàng tờm, drơng gàr ală kơnòl dờng màng, tài tơngu me tơnguh bơtàu dà lơgar tàm tơngai pa, tàm hơ\ uă ngan là sền gròi rơlao tus mờ gah tơnguh bơtàu broă lơh sa suơn sre, làng bol lơh broă sa, [òn lơgar, ồng Nguyễn Trí Ngọc, Phó Chủ tịch mờ kung là Tổng thư ký Tổng hội lơh sa suơn sre Việt Nam, gơwèt Bộ Nông nghiệp mờ Phát triển Nông thôn tơl^k nùs nhơm chờ hờp mờ đơs:

-Bè gah lơh sa suơn sre, [òn lơgar mờ làng bol lơh broă sa, do là gah ală cau bè bol a` jơh rài jăt Đảng drơng broă tơnguh bơtàu lơh sa suơn sre, [òn lơgar, kơ\p kờ` ngan ală kuang bàng neh geh pồ tàm Ban chấp hành Đảng dà lơgar khoă 13 mờ ală kuang bàng tàm ală groăt dờng ngan Đảng neh sền gròi tus mờ gah lơh sa suơn sre [òn lơgar jơh tàm ală tơngai lơh broă pa do pơn jăt tai sền gròi rơlao tai gơwèt mờ gah lơh sa suơn sre làng bol lơh broă sa, [òn lơgar nàng broă lơh sa suơn sre mờ làng bol lơh broă sa, [òn lơgar mùl màl là mpồl geh pin dờn tàm broă bơ\t bơtàu dà lơgar he pràn kơl dang tàm tơngai tus di jăt mờ tơngu me bơh pơrjum dờng Đảng Cộng sản dơ\ 13 neh geh ai.

Cau mblàng Ndong Brawl