VOV4.K’ho - Sền mờ iăt broă Uỷ ban kiểm tra Trung ương Đảng sền wơl, lơh glài mờ sồr Ban bí thư lơh glài 7 nă kuang bàng dờng màng gơrềng tus mờ dơ\ Trịnh Xuân Thanh, kuang bàng, cau geh đảng tàm càr Kon Tum kờ` bal uă mờ kơrnoăt do mờ kơ\p kờ` broă lơh glài pal nền nòn rơlao tai. Cau geh đảng Nguyễn Văn Đăng, kis tàm tổ dân phố 7, phường Duy Tân, [òn dờng Kon Tum đơs: “Ban kiểm tra Trung ương bơyai lơh pơrjum, ring bal lơh glài 7 nă kuang bàng gơrềng bal tus dơ\ broă ồng Thanh. A` go\ di pal ngan mờ broă lơh glài tus mờ kuang bàng, cau geh gơnoar mờ tìs mờ kơrnoăt boh lam. Ngan là gam geh ală broă bol a` gam ờ su\k ơm là khà lơh glài tus mờ ală kuang bàng đơng lam pal nền nòn rơlao kờ` lơh bè lơi geh gàr niam kơrnoăt boh lam kờ` bơ\t bơtàu Dà lơgar mùl màl kloh niam, broă lơh gơnoar atbồ he dê geh làng bol pin dờn. Kơ\p kờ` bơh bol a` là ală anih lơh broă geh gơnoar mhar jòi Trịnh Xuân Thanh rê kờ` lơh glài di pal mờ tìs ồng Thanh dê neh lơh”.

Gal ngan kuang bàng, cau geh đảng mờ ală rơnàng làng bol tàm càr Gialai kung dùl nùs bal mờ đơs là, broă do tơngo\ bơta kràn cê bơh Trung ương dê tàm broă lơh glài broă lơh tìs, tam dră bơta ờ niam. Ồng Siu Trung, Kuang atbồ Mpồl duh broă kòn cau, bơta jat yàng di Uỷ ban Mặt trận tổ quo\c Việt Nam càr Gia Lai, đơs bè do: “Broă lơh glài do lơh kuang bàng, cau geh đảng mờ làng bol chờ hờp ngan mờ pin dờn. Kung kơ\p kờn ngan là Bộ Cing trị pơn jat tai lơh pràn rlau tai, lơh bè lơi ală anih lơh broă geh gơrềng pal jòi bàn ồng Trịnh Xuân Thanh gam ơm tàm tiah lơi nàng lơh glài kràn. Hơ\ kung là krơh nàng mu\t lơh pơn jat tai broă lơh glài broă lơh tìs, ngan là tu\ Trung ương Đảng pa geh Nghị quye\t Trung ương 4, kơnă 12”.