VOV4.K’ho - Bal mờ làng bol gùt lơgar, làng bol tàm ntum tiah nhàr lơgar Ia Rvê, kơnhòal Ea Súp càr Dak Lak kung geh wă rò 1 sa rềp chờ hờp. bulah ơm kis tàm tiah nhàr lơgar, rài kis kal ke, mơya gơnuar atbồ tàm bòn lơgar kung gam lơh ngan sền gròi nàng làng bol geh wă rò sa tềp wil tơl.

Bè hơ\ mờ neh rlau jơ\t nam do, hìu bơnhă bi Vi Văn Thuyền, wa\ rò sơnam pa sa tềp tàm kơ nhoàl ù tiah nhàr lơgar do. Là cau lơh phan sền gàr dà lơgar di Mpồl ling 16, Gah sền gàr dà lơgar, bòn tờm bơh càr Thanh Hoá mu\t tàm Dak Lak do lơh sa, bi Vi Văn Thuyền tìp mờ bau mờ cau dùl bòn bal. Ală nam pa bau, ùr bơklau bi gam lơh ngan đau rơndăp tăp sèng tu\ jiơ nàng rê hờ bòn tờm sa tềp bal mờ hìu bơnhă, jơi nòi gơ\p bòn, mơya bơh tu\ bau geh kòn dềt, den ùr bơklau bi lơh nền ơm wơl wa\ rò sơnam pa sa tềp tàm ntum tiah nhàr lơgar Ia Rvê, kơnhoàl Ea Súp, càr Dak Lak. Bulah wa\ rò sơnam pa sa tềp tàm tiah lơi, den ùr bơklau bi kung rcăng ai jơh dùl hìu bơnhă in geh đau dơ\ sa tềp tơl, klơm mbar, peh sur. Tàm hìu bi Thuyền, broă rcăng neh jơh lơh bơh lài mờ dơ\ sa tềp tus dùl poh. Bi Vi Văn Thuyền, đơs:“ Neh 11 nam do rau, a` ơm tàm do sa tềp, tài bơh hìu bơnhă tàm neh tàm do bloh, den tàng ờ gơtùi rê hờ bòn tờm sa tềp ờ. Pah nam tus ngai sa tềp, pơgăp ngai 25 nhai 12 he, tàm ntum kung geh pà sơl phan kờp mờ priă pơgăp 200 rbô. Tàm tiah đah jum dà lơgar den đơs bal gơ kung ndrờm bal bè hơ\ sơl, ờ di bè tàm tiah đah tô dà lơgar he ờ, tàm do trồ tiah tơngai duh ngan, ờ gơtùi rcăng lài uă rlau ờ”.

Ală nam rềp ndo, nùs nhơm wa\ rò sơnam pa sa tềp tàm ntum tiah nhàr lơgar sơlơ duh hồl rlau. Gơnuar atbồ tàm do sền gròi, pà phan, tus tàm hìu nting săp sa tềp ală hìu bơnhă pah tu\ tus ngai sa tềp. Tàm măng tàm jàu sơnam, tơl mpồl cau tàm ală bòn bơh cau ătbồ bòn lam bồ lòt tus tơl hìu nting săp chờ hờp chờ gờm sơnam pa. Mò Nguyễn Thị Bích Khởi, la dùl nă làng bol kis tàm bòn 4, ntum Ia Rvê chờ hờp yal:“ Ờs mờng là pah tu\ tus măng tàm jàu sơnam là mpồl bal mờ làng bol he tơr gùm să bal lòt nting săp sa tềp tus di àng drim tơn”.

Ntum Ia Rvê, là dùl ntum pa geh crơng gơs bơh nam 2006 lài do, tàm bơta geh bơh sơn rờp rơndăp broă lơh lơh sa bơh Mpồl ling 16 di Gah Sền gàr dà lơgar dê. Jơh dùl ntum geh 14 bòn, rlau 1700 hìu, mờ rlau 6 rbô nă cau. Bulah gam uă kal ke siơ\u siar ală bơta, mơya gơnuar atbồ tàm tiah do lơh ngan sền gròi dong kờl làng bol in, ngan là tàm ală dơ\ lơh chờ, sa tềp, mờ jơnau đơs ờ lời dùl nă làng bol lơi gơtìp ờ geh piang sàu àu soh tàm dơ\ sa tềp. Ồng Nguyễn Viết Sơn kuang jăt jơng atbồ Anih duh broă làng bol ntum Ia Rvê, kơ nhoàl Ea Súp, càr Dak Lak, đơs:“ Tu\ do, ntum bol a` geh 63 hìu geh sră dong kờl bơh dà lơgar. Ală cau dong kờl priă jền kung bè ală anih lơh broă pơ gồp bal nàng mu\t lơh bal mờ bòn lơgar, kờn sền gròi ai ală hìu geh sră dong kờl bơh dà lơgar kung bè làng bol tàm do ờ lời gơtìp ờ geh piang sàu àu soh tàm dơ\ sa tềp. Gơtùi dong kờl mờ phe halà mờ priă tus mờ ală hìu gam jơgloh rbah. Mơya, tu\ do, mìng gam hìu rbah lơm, hìu jơgloh tàm nhai puh pah đơs ngan là ờ gam tai”.

Ờ mìng dờp geh bơta dong kờl bơh gơnuar atbồ tiah do dê, làng bol tàm ntum tiah nhàr lơgar Ia Rvê gam dờp geh bơta dong kờl bơh ală kuăng bàng cau ling tàm Pôs đồng ling sền gàr tiah nhàr lơgar Ia Rvê-737, là mpồl ling lơh broă tàm ù tiah ntum. Bal mờ ală broă lơh sùm, bè: dong kờl bè ngai lơh broă, tă pơ gồp priă jền dong kờl lơh hìu ơm, bơto pơlam bơta chài ròng siam sền gàr phan tam phan ròng. Pah nam, pah tu\ tus ngan sa tềp, ală kuăng bàng cau ling tàm Pôs đồng ling sền gàr tiah nhàr lơgar Ia Rvê, gam lơh is tă dùl ngai priă nhai bơh tơl nă cau dê nàng dong kờl làng bol in. Đại uý Trương Văn Hoành, Kuăng bàng geh jơng tàm gah gùng dră bal Pôs đồng ling sền gàr tiah nhàr lơgar Ia Rvê, đơs:“ Tàm dơ\ sa tềp nam do, bol a` pơn jăt tai kờp ală hìu làng bol jơgloh kal ke ngan. Tơ nơ\ tu\ jơh kờp, den lam sồr hòi jà mờ tă bơh ală bơnah priă geh bơh mpồl ling dê, kuơmàng là ală priă geh bơh bơtàu tơnguh tai broă lơh sa, nàng dong kờl dùl bơnah phan dềt rơhền lơi hơ\ nàng dong ală hìu làng bol rbah tàm tiah do in geh đau dơ\ sa tềp ram mhu\ mờ tơl rlau”.

Dùl sơnam pa gam rê tus mờ ală bòn lơgar ù tiah bơh dà lơgar dê. Gơ wèt mờ ală làng bol tàm ntum tiah nhàr lơgar Ia Rvê, sơnam pa nam do sơlơ geh bơta kuơ mờ ram mhu\ rlau. Nùs nhơm rài kis sa tềp neh gơ rê tus tàm tơl bòn, tơl nă làng bol kung sền go\ sơl bơta chờ hờp geh tơl ngan, brơn brài nùs nhơm wa\ rò sơnam pa sa tềp.

                                                            }au mblàng Lơ Mu K’ Yến.