VOV4.K’ho-Bơta geh ngan tàm càr Kontum pà go\, broă lơh jat broă lơh tơm priă drơng broă sền gàr brê kung bè ală broă lơh ndai gam gơcèng wơl uă bơta tam gơl niam ngan tàm jơnau gi\t wa\, mờ broă lơh bơh làng bol dê. Broă lơh sền gàr mờ bơtàu tơnguh brê tàm kơnhoàl Tu Mơ Rông là dùl jơnau ai lơh pơn yơu loh làng ngan.

Tềng đap jơnau chi che tàm brê ngai sơlơ gơtìp koh kơl ờ gam tai uă ngan, kơnhoàl Tu Mơ Rông, càr Kontum neh rơcang lài lơh broă lơh jàu ù, jàu brê pơgồp bal mờ jàu atbồ, sền gàr brê ai làng bol in. Tàm xã Đăk Hà, kờp bơh tu\ 29 lồ brê tàm bă brê dềt 266 geh Ủy ban Nhân dân kơnhoàl Tu Mơ Rông jàu ai làng bol [òn plei Kontun in atbồ, sền gàr, jơnau sơgràm aniai brê geh kơryan jơh. Tiah brê tu\ do gơlơh bè nhơm kis pràn bơh [òn dê. Nàng sền gàr bă brê geh jàu, làng bol tàm [òn tàm jàu is ală mpồl hìu bơnhă tàm ala gơ\p lòt drơng sền. Ồng A Mao, Kuang atbồ [òn plei Kontun, pà gi\t:

“Làng bol sền gàr brê, kơryan tơrlah ù, tơrmù dà ko\ dà cò, ro kơnra`, gàr dà, gàr tiah ơm kis. Làng bol tàm [òn lơh jat niam ngan bơta kuơ mờ dà lơgar neh jàu ù, jàu brê ai làng bol in. Dilah cau lơi lơh tìs tàm brê [òn, brê hìu bơnhă is dê den pal lơh glài, pal yal mờ kiểm lâm halà yal mờ ủy ban in”.

Bơh broă gi\t geh bơta kuơ bơh brê dê mờ ală bơta kuơ gơ cèng wơl bơh broă sền gàr, atbồ brê, làng bol [òn plei Kontun cau lơi kung sền go\ geh kơnòl bơh he dê. Làng bol tàm tơngkah bal mờ gơ\p ờ go\ di koh chi, ờ go\ di koh kơl halà mus brê ai ù lơh mìr. Bi A Bút, kis tàm [òn plei Kontun, yal bè do:

“Să tờm a` sền gàr brê là sùm lòt bơh broă dùl poh dùl dơ\ lòt tàm brê, kờ` sền geh sơl cau lơi koh kơl aniai brê halà ờ nàng rê yal wơl mờ làng bol [òn plei Kontun in gi\t, gi\t geh broă gơlik geh nàng gi\t sền gàr brê geh lơh niam krà` sơl halà ờ, geh gàr niam halà ờ”.

Broă lơh jàu ù, jàu brê pơgồp bal mờ jàu atbồ mờ sền gàr brê ai tơl nă cau dùl nă să is, hìu bơnhă, làng bol mờ [òn lơgar in gam lơh geh cồng nha. Broă lơh do ờ mìng dong gàr geh brê, sơlơ tơnguh uă chi che geh tàm brê mờ gam ngai sơlơ lơh tam gơl bồ tơngoh gi\t wa\ bơh làng bol dê tàm broă sền gàr tiah ơm kis, mờ trồ tiah. Ồng A Việt, Phó Kuang atbồ Ủy ban Nhân dân xã Đăk Hà, kơnhòal Tu Mơ Rông, càr Kontum, đơs ngan bè do:

“Geh broă dong kờl jàu ù, jàu brê ai làng bol in, làng bol chờ hờp ngan. Geh bơta sền gròi bơh Đảng mờ Dà lơgar dê lơh geh tơl ală bơta dong kờl nàng làng bol geh dờp kuơ bơh hơđơm mbur chi brê mờ geh dờp broă drơng broă tiah ơm kis brê. Kung kơ\p kờ` sơl là Đảng, Dà lơgar dong kờl uă rlau tai bè priă jền dong làng bol, nàng lơh geh bơta [ươn ai làng bol in atbồ, sền gàr brê niam rlau tai”.

Tus tu\ do, kơnhoàl Tu Mơ Rông, càr Kontum neh jàu rlau 11 rbô lồ brê ai 729 hìu bơnhă gơ wèt 8 tàm 11 xã in atbồ mờ sền gàr. Ală cau tờm brê kung neh jàu atbồ, sền gàr brê ai 56 [òn in mờ bă brê là mờr 18.500 lồ. Pơndrờm mờ nam 2015, bă brê geh jàu ai làng bol in atbồ sền gàr neh gơguh tai uă ngan. Jơnau do pà go\ bơta lơh ngan jơh nùs bơh kơnhoàl dê tàm broă tơnguh jơnhoa cồng nha broă lơh sền gàr brê. Ồng Vương Văn Mười, Phó Kuang atbồ Ủy ban Nhân dân kơnhoàl Tu Mơ Rông, pà gi\t:

“Tu\ do, Ủy ban Nhân dân kơnhoàl gam sồr ală cau tờm brê, kung bè Ủy ban Nhân dân ală xã jàu ù, jàu brê ai ală hìu bơnhă in atbồ mờ sền gàr. Bè cồng nha jàu ù, jàu brê ai ală hìu bơnhă in atbồ là ală hìu bơnhă ơm kis rềp mềl mờ brê, tam chi hơđơm mbur chi brê kung bè dờp kuơ bơh ală tờm chi sơnơm tềng hơđơm mbur chi brê. Den gơ rềp mềl mờ rài kis làng bol den làng bol geh kơnòl sền gàr mờ atbồ brê niam rlau pơndrờm mờ jàu ù, jàu brê ai ală mpồl in”.

Jơnau [ươn ngan sền go\ rlau jơh tàm broă lơh atbồ mờ sền gàr brê tàm kơnhoàl Tu Mơ Rông, hơ\ là bơh broă mu\t lơh broă tơm priă drơng broă sền gàr mờ atbồ brê kung bè ală broă lơh ndai gam gơ cèng wơl uă bơta tam gơl niam ngan tàm jơnau gi\t wa\ kung bè broă lơh bơh làng bol dê gơ wèt tus mờ broă sền gàr mờ bơtàu tơnguh brê.

                                                Cau cih mờ yal tơng^t - Lơ Mu K’ Yến