VOV4.K’ho - Tàm rài kis lơh sa- mpồl bơtiàn bơh làng bol kòn cau Mông tàm càr kơh bơ nơm tiah nhàr lơgar Lào Cai, cau ala măt geh gơngă  pin dờ` là cau geh jơnau đơs, mờ gơnoar broă mờ bơta gơ rềng uă ngan tus làng bol bòn lơgar. Broă ngui niam gơnuar broă bơh cau ala măt geh bơngă  pin dờ` tàm làng bol kòn cau Mông geh sền dờng màng ngan.

Tàm mpồl bơtiàn ală kòn cau kis tàm càr Lào Cai, kòn cau Mông geh mờr 160 rơbô nă; geh 30 ntum geh khà làng bol kòn cau Mông tus rơlao 90%.

Pơgồp bal mờ mpồl đơng lam Đảng bal mờ Gơnoar atbồ tàm broă tơnguh bơtàu lơh sa-mpồl bơtiàn, tơn jơh jơgloh, tơmù rơ[ah, tơn jơh ală bơhiàn ờ niam, rơlao 500 nă cau geh bơngă pin dờn tàm ală [òn, jơi nòi kòn cau Mông tàm càr Lào Cai geh gơnoar kuơ màng ngan, bơh tàm ală broă lơh mùl màl tàm rài kis pah ngai. Ồng Lìu Seo Lao, kis tàm [òn Say Sán Phìn, ntum Mản Thẩn, kơnhoàl Si Ma Cai pà g^t:“A` pal lam sồr, yal wơl ală bơhiàn niam, bơhiàn ờ niam kờ` ală cau in iăt bal. Ba` bơ`ul `ô uă ir, ba` lơh bao kòn, ba` nhơl [ài, ba` kơ`ao phan cau, `ô ờ uă ơlăk. Broă lơi lơh jăk den lơh, broă lơi ờ geh ai lơh den pal lùp cau geh gơnoar, lùp ală ồng kờ` g^t, ba` lơh lềng làng mờ gơs cau ờ niam”.

Gơwèt mờ làng bol kòn cau Mông, cau ala măt cau geh bơngă pin dờn là ală cau lam lài tàm ală broă lơh mpồl bơtiàn, ală broă mờ jơnau đơs, mờ broă lơh lam lài kờ` làng bol iăt, dờn mờ lơh jăt bal. Ồng Giàng Seo Gà, cau geh bơngă pin dờn tàm [òn Sâu Chua, ntum Sa Pả, kơnhoàl Sa Pa đơs:“Kờ` gơs cau geh bơngă pin dờn kung ờ di là 1 ngai, 2 ngai geh làng bol pin dờn mơ. Lài jơh là he pal lam lài, tàm mpồl bơtiàn he pal g^t he là cau lơi, ntào tềng tiah lơi. Ờ di tu\ lơi kung bơto cau pal lơh bè do, pal lơh bè dă, he pal lơh hơ\ sồng làng bol go\, tơnơ\ mờ hơ\ làng bol bơsram mờ đòm jăt bal”.

Tu\ do, broă lơh sa-mpồl bơtiàn tàm tiah làng bol kòn cau Mông kis tàm càr Lào Cai gam uă kal ke, broă kis ntrờn, broă bao gờ` gam geh. Den tàng, ală cau geh bơngă pin dờn ờ ngòt kal ke mờ tus tơl hìu kờ` lam sồr. Làng bol tu\ g^t den tơn jơh rơhời ală bơhiàn ờ niam, mờ tus bal bơ\t bơtàu rài kis jăk chài, chài rơgơi. Ồng Lý Văn Hải, kuang atbồ gah kòn cau càr Lào Cai pà g^t:“Cau geh bơngă pin dờn tàm làng bol kòn cau Mông pal lam sồr làng bol, oh kòn, kòn sao tòm, pal lam lài tơl mờ ală broă kờ` làng bol jăt bal. tơl [òn den geh ală broă lơh ờ pràn mờ cau geh bơngă pin dờn pal go\, pal kơlôi sơnơng mờ geh ală broă lơh di pal, tơnguh rơlao tai jăt kơnòl mờ mpồl đơng lam Đảng, gơnoar atbồ pin dờn jào mờ làng bol pin dờn rơwah”.

Mờ bơta krơi is càr dê là tiah kơh bơnơm, Lào Cai sùm ai broă tơnguh gơnoar ală cau geh bơngă pin dờn tàm làng bol kòn cau Mông là broă lơh niam tàm broă lam sồr làng bol, pơgồp bal tàm broă tơn jơh jơgloh, tơmù rơ[ah, sền gàr niam bơta lơngăp lơngai mpồl bơtiàn tàm [òn tiah kơh bơnơm.

                                                        }au mblàng Ndong Brawl.