VOV4.K’ho- Wèt tus tơngkah 90 nam ngai crơng gơs Đoàn Ơruh pơnu Cộng sản Hồ Chí Minh, drim ngai 18/3, Tổng cục Chính trị ling klàng làng bol Việt Nam bơyai lơh dơ̆ tơngkah kir sơnrai pờ tơlik tơn tàm internet ngai crơng gơs Đoàn Ơruh pơnu Cộng sản Hồ Chí Minh, jờng rơ kuang bàng đoàn jak ngan tơngai bơh nam 2016 tus nam 2020 mờ krơh niam cau kơnòm să pơnrơ gơguh jak gùt ling klàng nam 2020.

Cih dờp ală tă pơgồp dờng màng bơh mpồl kuang bàng đoàn lơh kơnòl broă ơruh pơnu tàm tơngai lài, tàm dơ̆ tơngkah kir sơnrai, Tổng cục Chính trị pà Bằng khen ai 90 nă kuang bàng Đoàn, Kuang bàng lơh kơnòl broă ơruh pơnu geh cồng nha jak ngan tơngai bơh nam 2016 tus nam 2020 tàm gùt ling klàng mờ pà bằng khen ai 18 nă krơh cau kơnòm să gơn kơnờm gùt ling klàng nam 2020. Lài hơ̆, Bộ Quốc trưởng Bộ Quốc phòng neh pà bằng khen ai 10 nă cau kơnòm să geh pơnrơ gơguh jak gùt ling klàng in.

Cau mblàng K’Duẩn