VOV4. K’ho -  Mpồl dong klàs cau lơgar Indonesia ngai òr (10/05) neh dong klàs kis 469 nă cau tàm 1 nơm plung lơh mờ chi bơh lơgar Myanmar mờ Banglades gơtìp kòl hờ bơdìh dà lềng đah tô lơgar do. Ồng Budiawan kuang atbồ mpồl jòi dong klàs cau gơtìp rềs àr càr Aceh pà g^t, ală cau lơh ka tàm tiah do neh yal mờ mpồl dong klàs cau geh plung gơtìp rềs àr. Dùl mpồl jòi dong klàs cau neh tus mơ mờ dong klàs kis 469 nă cau jăt yàng Islam Rohingya, tàm hơ\ geh 83 nă cau ùr mờ 41 nă kòn dềt, geh 1 nă cau ùr gam bun mờ 2, 3 nă kòn dềt hờ đơm 10 sơnam. Tàm ală nam pa do, g^t nđờ rơbô nă cau jăt yàng islam Rohingya neh ờ ngòt rềs àr tus mờ să jan kờ` tiă dà lềng bơh lơgar Myanmar tus tiah đah jum lơgar Thái Lan mờ gơtìp ală ală cau kă bro kòn bơnus tàm do ku\p.