VOV4.K’ho - Gơnuar atbồ lơgar Nhờk pa yal geh tă pơgồp rơlao nggùl tơlăk dolar kờ` dong kờl anih lơh broă năng lượng nguyên tử dunia (IAEA) lơh jăt rơndăp broă tam dră mờ kòp Ebola. Anih lơh broă năng lượng nguyên tử dunia neh lam sồr geh rơndăp broă ai phan lơh broă gah lơh sơnơm ngui công nghệ gơrềng tus mờ hạt nhân ai ală lơgar châu Phi in gam gơtìp kòp do lơh aniai. Kuang ala mat lơgar Nhờk tàm anih lơh broă năng lượng nguyên tử dunia là ồng Mitsuru Kitano pa yal bè kơrnoăt bơh Gơnuar atbồ lơgar Nhờk dong kờl 500 rơbô dolar ai anih lơh broă năng lượng nguyên tử dunia in. Bè hơ\, kờp jơh khà priă tă lơgar Nhờk ai rơndăp broă tam dră mờ kòp Ebola anih lơh broă năng lượng nguyên tử dunia in tus 580 rơbô dolar Mỹ.