Ngai do, lơgar Tây bơyai lơh ngai ies dà lơgar nàng kah kơ lôi ală cau gơtìp aniai bơh dơ\ rah phàu ngòt rơ ngơt tàm hìu cih bau\ Charlie Hebdo. Lài mờ hơ\, mho òr 07/01, tàm hìu cih bau\ Charlie Hebdo tàm càr lơgar Paris lơgar Tây neh gơlik geh dơ\ rah phàu ngòt rơ ngơt lơh 12 nă cau chơt mờ 10 nă cau ndai gơtìp sồt să. Do là dơ\ sò tơm dơ\ 2 pơle\ tàm pang bau\ do tơ nơ\ dơ\ cuh bồm pơle\ tàm hìu cih bau\ do tàm `hai 11 nam 2011. Tu\ mho mang òr, pơgap 35 rbô nă cau neh tơr gùm tàm Paris mờ git nđờ jơt rbô nă cau tàm ală bòn dờng ndai lơgar Tây dê nàng ràng tơlik nùs nhơm nđàc sơnggit tus ală cau gơtìp aniai mờ nùs nhơm gơ jra` tềng đăp bơta jà` bơsak bơh ală bol sò tơm iơh bơsak dê. Sră bau\ lơgar Tây neh hòi do là dơ\ sò tơm ngai 11/9 tus mờ lơgar Tây. Làng bol lơgar Tây den đơs tờm, bol sò tơm iơh bơsak ờ mìng pơle\ tàm 1 anih cih bau\ mờ gam pơhìn tus rài làng bol lơh tờm lơgar Tây dê, pơhìn tus ală bơta kuơ nùs nhơm mờ triết học mờ làng bol lơgar do sền dờng màng mờ gam jat.

                                                                                    }au mlàng K' Duẩn