VOV4.K’ho - Ngai òr (29/9), tàm gơlang kuang atbồ lơgar, ồng Trần Đại Quang, kuang atbồ lơgar neh wă mờ cri bơyai mờ ồng Rodrigo Duterte, kuang atbồ lơgar Philippines dơ\ sơnrờp tus còp mùl màl lơgar Việt Nam. 2 nă ồng neh tơl^k nùs nhơm di pal ngan bè broă tơnguh bơtàu pràn mờ geh cồng nha tàm broă lơh bal mờ g^t gơ\p, lơh bơyô bal boh 2 lơgar dê tàm 40 nam do. Broă sền gàr bơta lơngăp lơngai dà lơgar bal, kă bro, bơcri priă, bơta chài rơgơi, tìp bal làng bol pơn jăt tai geh pờ ơnàng mờ khà kă bro 2 gah geh mờr 3 tơmàn đôlar Mỹ tàm nam 2015 mờ uă anih lơh sa kă bro dờng lơgar Philippines neh tus tàm lơgar Việt Nam. 2 nă ồng đơs tòm, 2 lơgar pal lơh ngan rơlao tai kờ` lơh geh cồng nha ală bơta pràn geh bơh 2 lơgar dê. 2 lơgar sền broă lơh bal tàm gah sền gàr bơta lơngtăp lơngai dà lơgar là 1 tàm ală broă lơh tòm kuơ màng bơh broă lơh bal kuơ màng bơh 2 lơgar dê. 2 lơgar kung neh cri bơyai uă bè ală gah lơh broă bal ndai bè: kă bro, dà lềng mờ dà lềng, lơh sa suơn sre, gùng lòt mờ pơn diang phan, bơta chài rơgơi nhơl chờ, tìp bal làng bol, bơto bơtê mờ bơsram… Bè broă tàm dà lềng đah măt tơngai l^k, 2 lơgar hơ bal geh tơnguh sùm mờ chồl pràn bơta lơngăp lơngai, ring niam, ờ do ờ dă khăt gơboh gùng lòt tàm dà mờ gùng rơndeh par; hòi jà ală gah tơmù nùs nhơm, ba` pơhìn tam lơh mờ phào crong ha là ngui phào crong; g^t bal tơl ală broă lơh bal adăt boh lam; bơsong tam phà mờ ală broă lơh lơngăp lơngai tàm tơngu me adăt boh lam dunia.

           Bal mờ ngai òr (29/9), ồng Rodrigo Duterte neh tus bơdơng goàng bơkào tàm anih kah kơlôi ală cau ling chơ\t màng; tìp mờ ồng Nguyễn Phú Trọng, kuang atbồ đơng lam Đảng dà lơgar; cri bơyai mờ ồng Nguyễn Xuân Phúc, kuang gơs gơnăp gơnoar atbồ hờ đang rơlao jơh dà lơgar bal mờ wă mpồl ala măt anih lơh sa kă bro lơgar Việt Nam.

       Cau cih mờ yal tơng^t Ndong Brawl