VOV4.K’ho - Mờ broă sền gròi bơh Thứ trưởng Bộ Kế hoạch mờ Đầu tư, Phó chủ tịch thường trực Uỷ ban lơh broă bal lơgar Lào mờ lơgar Việt Nam, ồng Khampheui Keokinnaly bal mờ ala măt gơnoar atbồ bàr càr Sekong mờ Champasak, tiah đah jum lơgar Lào, sră cih bơcri priă bal ală rơndăp broă lơh ồs đèng măt tơngai neh geh k^ bal bơh 3 mpồl lơh sa kă bro là Công ty CP Tập đoàn pơlam broă Dà lơgar, Công ty TNHH Năng lượng Thepvongsa mờ Công ty CP tập đoàn Wealth Power Việt Nam tàm lơgar Lào.

Jăt mờ hơ\, rơndăp broă lơh ồs đèng măt tơngai tàm kơnhoàl Lamam, càr Sekong neh lơh tàm bă ù ơnàng di pơgăp 720 lồ, kờp jơh bơta pràn crăp măi geh 500 MW, khà ồs đèng lơh geh 739 tơlăk KWh tàm 1 nam, khà priă bơcri rơndăp broă lơh rơlao 332 tơlăk dolar Mỹ.

Bàr rơndăp broă lơh ồs đèng măt tơngai gam tai tàm kơnhoàl Khong mờ kơnhoàl Pathumphone, càr Champasak geh lơh tàm bă ù ơnàng 93 lồ, kờp jơh bơta pràn 80 MW, khà ồs đèng kờp du\ geh lơh mờr 123,7 tơlăk KWh tàm 1 nam, khà priă bơcri lơh rơndăp broă do rơlao 57 tơlăk 300 rơbô dolar Mỹ. Kờp du\ tơnơ\ mờ 2 nam lơh, ală rơndăp broă lơh do geh lơh broă.

Cau mblàng Ndong Brawl