VOV4.K’ho - Tàm ală nam do, càr Lâm Đồng neh sền gròi mờ bơcri priă sùm, dong kờl mờ ai tơl bơta niam bè ală bơta nàng ală tiah kal ke, làng bol kòn cau in tơnguh bơtàu.

Bal mờ hơ\, bơh broă tam gơl pràn kơl dang tàm broă kơlôi sơnơng broă lơh sa làng bol dê, lơh ngan lơh is nàng brồ guh, rài kis broă lơh sa càr dê neh tam gơl niam, khà hìu rơ[ah tàm càr gơmù mhar tu\ do mìng gam 1,3%.

Lài do, bu\ lah geh ù, geh suơn kung ndrờm mờ ală hìu nhă ndai tàm xã Dà Mrông, kơnhoàl Dam Rông, mơya tài broă tam phan jăt broă lơh lài do den tàng cồng nha tơnhào ờ geh uă, bal mờ nùs nhơm kơ\p gơn bơh broă dong kờl dà lơgar dê tai, den tàng rài kis hìu nhă ồng Đa Cát Ha Dương gam gơtìp jơgloh sùm pah nam.

n Dam

                                                                    Thị trấn Dam Rông                   

Bơh nam 2016, mờ broă bơto bơtê bơh kuang bàng bơto pơlam broă lơh sa suơn sre dê, den tàng ồng neh tam gơl phan tam, ngui khoa học kỹ thuật tàm broă tam phan. Bal mờ broă càn priă sa priă cồng ờ uă bơh ngân hàng chính sách nàng tơnguh bơtàu lơh sa, hìu nhă ồng Đa Cát Ha Dương neh brồ guh klàs mờ rơ[ah, rài kis geh hờm ram.

-Hìu nhă a` tam kòi, tam tơngời, kơphe bơh uă nam lài, mơya rài kis kung gam kal ke. Bơh ngai geh anih bơto pơlam broă lơh sa suơn sre kơnhoàl tus bơto bơtê tàm broă tam phan, lam sồr tam tòm jơu ròng tu, Dà lơgar dong kờl priă... hìu nhă neh bơcri tàm broă lơh sa.

Bơh broă ròng tu den tàng neh geh priă pah nhai, pơn drờm mờ broă tam kòi, tam tơngời den broă tam tòm jơu ròng tu geh priă uă rơlao, tàm 2 poh hìu nhă tăc geh dùl mpồl tu, geh priă. Bal mờ broă geh priă bơh ală bơta phan tam ndai, tu\ do rài kis broă lơh sa hìu nhă neh tơl ngui tơl sa uă rơlao.

Ờ mìng kơnhoàl Dam Rông, do là dùl tàm 64 kơnhoàl rơ[ah gùt lơgar dê, den tàng geh sền gròi, bơcri priă mờ dong kờl bè ală bơta, mờ jơh ală xã, [òn mờ ală tiah kal ke ndai kung neh geh càr Lâm Đồng tơrgùm lơh jăt uă broă lơh, ai tơl bơta nàng làng bol in tơnguh bơtàu broă lơh sa, brờ guh klàs mờ rơ[ah.

Bè tàm xã Đoàn Kết, kơnhoàl Dà Huoai, jăt ồng Trần Văn Đông, Bí thư Đảng uỷ xã yal, kung kơnờm mờ ală broă dong kờl, broă bơcri priă di tu\ bơh Đảng, Dà lơgar dê, den tàng rài kis làng bol neh geh tơnguh mhar ngan.

Xã Đoàn Kết neh klàs mờ l^k bơdìh khà măt ală xã kal ke lài mờ 2 nam pơn drờm mờ rơndăp broă neh geh ai.

-Đảng mờ Dà lơgar jơh nùs sền gròi, bơcri priă bơh phan tam, phan ròng tus mờ hìu ơm, ai broă lơh ală hìu rơ[ah, hìu kal ke in nàng tơnguh tai priă geh mờ geh rài kis tơl ngui tơl sa rơlao.

Di lah tàm nam 2016 xã Đoàn Kết gam là 1 tàm ală xã rơ[ah kơnhoàl Dà Huoai dê, mơya tus nam 2017 den xã neh klàs mờ ờ gam là xã rơ[ah tai.

Bơh nam 2016 tus tu\ do, kờp jơh ală khà priă bơcri tàm tiah kal ke, làng bol kòn cau tàm càr Lâm Đồng là 3 rơbô 700 tơmàn đong, lơh jăt broă bơ\t bơtàu broă lơh, dong kờl tơnguh bơtàu lơh sa, ală broă lơh sa pa... tàm hơ\ priă bơh kis priă dà lơgar bơcri tơn là 1 rơbô 900 tơmàn đong, gam tai là priă hòi jà ală mpồl lơh sa kă bro, mpồl bơtiàn [òn lơgar.

Bal mờ hơ\, càr Lâm Đồng kung neh hòi jà geh 115 rơndăp broă bơcri priă tàm ală tiah geh broă lơh sa mpồl bơtiàn gơtìp kal ke, tiah làng bol kòn cau, mờ kờp jơh priă dan cih măt tus 5 rơbô 800 tơmàn đong.

Bơh bơta pràn do, broă lơh sa mpồl bơtiàn tàm ală tiah kal ke, tiah làng bol kòn cau kis tàm càr Lâm Đồng neh geh uă tam gơl loh làng, rài kis phan bơna mờ nùs nhơm bơh làng bol geh gơguh. Tu\ do, khà hìu rơ[ah gùt càr gơmù mìng gam 1,3%, tàm hơ\ hìu rơ[ah tàm tiah làng bol kòn cau gơmù mhar bơh 19% gơmù gam 4,8%.

Ồng Đinh Đức Chí, Phó Chủ tịch UBND kơnhoàl Lâm Hà đơs là, geh cồng nha do là kơnờm mờ broă lơh jăt ndrờm bal ală broă lơh mùl màl, di tu\, mờ uă ngan là broă tam gơl niam tàm nùs nhơm kơlôi sơnơng, broă lơh mờ nùs nhơm g^t brồ guh is nàng klàs mờ rơ[ah bơh să tòm làng bol dê tai.

-Bol a` neh tơrgùm tàm broă lam sồr, tam gơl nùs nhơm kơlôi sơnơng, broă lơh, bơ\t bơtàu ală broă lơh nàng jào khoa học kỹ thuật, ală broă dong kờl tơnguh bơtàu bè broă dong kờl làng bol kòn cau tam tòm jơu ròng tu.

Kuơ màng là lơh jăt geh cồng nha ală rơndăp broă lơh tàm tiah làng bol kòn cau, ală rơndăp broă lơh do pal geh sền gròi nền nòn di mờ broă kờ` mùl màl làng bol dê.

Broă kờ` là geh phan tam, phan ròng ha là kờ` khoa học kỹ thuật, kờ` măi mo\k... den pal sền gròi tus tơl hìu nàng geh broă bơcri priă di gùng dà broă lơh. Kơnờm mờ hơ\, ală rơndăp broă lơh ndrờm geh tơnguh cồng nha bơh broă bơcri priă.

Càr Lâm Đồng lơh ngan tàm ală nam tus, pah nam geh ai khà hìu rơ[ah uă bơta gơmù ờ uă ngan bơh 1 tus 1,5%, tàm hơ\ hìu rơ[ah tàm làng bol kòn cau gơmù bơh 2 tus 3%.

Tàm tơngu me ală cồng nha neh lơh geh, bal mờ ală broă dong kờl lơh jăt ndrờm bal di mờ mùl màl, broă tam gơl pa bồ tơngoh kơlôi sơnơng tàm broă tam phan, nùs nhơm brồ guh bơh làng bol dê, kơ\p kờ` là càr Lâm Đồng lơh geh ală tơngu me là càr [òn lơgar pa bè Nghị quyết pơrjum dờng cau ala măt Đảng bộ càr pa geh ai.

Cau cih Quang Sáng-Cau mblàng Ndong Brawl